Home Enseñanza SAA a apunta Chando Pieters y Ruben Werleman pa guia proceso...

SAA a apunta Chando Pieters y Ruben Werleman pa guia proceso di transicion

169
0
SHARE
- Advertisement -

Di OAA pa SAA:

ORANJESTAD (AAN) — Minister di Enseñanza y Desaroyo Sostenible, sr. Rudy Lampe, a reitera cu enfasis den conferencia di prensa di gobierno, cu tanto e empleadonan, como docente y studiante di Stichting Openbare Avondleergangen Aruba (OAA), no mester tin ningun preocupacion door di e cambio aki cu mas bien tin beneficio nan tur.

Minister Lampe a indica cu pa e proceso di transicion aki, di OAA pa Stichting Avondonderwijs Aruba (SAA), bay na e mihor manera posible, e bestuur di e Stichting SAA, bao di cual MAVO y HAVO ta cay, entre otro, a dicidi pa apunta dos persona, pa un periodo di un aña, pa asina aki e aña aki 2018-2019 guia e proceso di transicion aki. Y e dos personanan aki a wordo apunta den persona di señor Chando Pieters y sr. Ruben Werleman.

Tur dos persona tin experiencia den dirigi sea un scol MAVO of HAVO y a base di nan experiencia, e bestuur di SAA a acerca nan y a pidi nan cooperacion. E mandatario a gradici e hecho cu nan a acepta y ofrece nan servicio, den e proceso di transicion aki. E Bestuur tambe ta den proceso pa apunta un directora nobo pa Middag y Avond MAVO, ken lo dirigi for di prome di Augustus proximo, henter e structura aki y e dignatario ta sumamente contento cu e bestuur ta tumando tur e pasonan necesario pa garantiza cu tur alumno, maestro y empleado por sigui funciona manera mester ta.

Un bez mas e dignatario a indica cu nan kier encurasha na tur esnan cu kier sigui studia pa haci uso di e ofertanan educativo aki di Middag MAVO of HAVO of Avond HAVO cu aworaki ta bay cay bao di e Stichting SAA.

E mandatario a señala cu e sa cu no ta facil pa e personanan cu ta trahando caba pa studia atardi-anochi, pero bal la pena pa hacie  esfuerzo di haya nan diploma di MAVO of HAVO, apesar cu nan ta laborando y kizas tin famia y yiu chikito pa cria.

E dignatario a duna di conoce cu recientemente, cu el a bay e diploma na e mihor graduadonan y un di nan a menciona cu ta traha den supermercado y tin yiu chikito, pero tog a haci su esfuerzo pa haya su diploma anochi. Esaki ta casonan admirable y un ehemplo pa otronan cu nunca ta laat pa haya un diploma di MAVO of HAVO y despues sigui studia y mehora su futuro pa e studiante mes y su famia.

- Advertisement -

DUNA COMENTARIO

Please enter your comment!
Please enter your name here