Home Economia Sacrificionan mester wordo haci pa por sali for di e problemanan

Sacrificionan mester wordo haci pa por sali for di e problemanan

58
0
SHARE
- Advertisement -

Raymond Knops:

ORANJESTAD  (AAN): Secretario di Estado Raymond Knops ta splica durante un conferencia di prensa cu si bo mira futuro di e pais, mirando e alumnonan cu el a topa cu nan na e dos scolnan cu el a bishita, ta muhe y hombernan cu tin cu carga e peso pa e proximo añanan, mester tuma medidanan. Esey ta haci cu pa e generacion cu ta bin, e debe nacional di e pais, no ta demasiado halto.

E generacion aki no kier esaki. Mester tuma e medidanan y tin combinacionnan cu tin cu haci pa e parti di ingreso y gasto. No mester carga e economia. Mester keda tambe atractivo pa inversion, tin un clima politico stabil. Door cu e economia ta weerbaar y por presta riba un bon interes pa bin cu un capital, mester mustra cu ta dispuesto pa tuma algun medida.

Di loke cu Knops por a scucha, cu polis ta dispuesto, cual e ta haya positivo. Kier fortalece e lasonan di Aruba y esey por bin den forma di conocemento y experticio. Tambe door di constantemente topa cu minister y parlamentarionan.

E no ta bay hinca su mes den politica nacional, pa loke ta parlamento y e gabinete, kendenan mes mester mira nan escogencianan. Si e sa y no mester ta un economista pa esaki, cu si bo kier tin un bon futuro, mester haci algo y esey ta nifica haci sacrificio, pero rapidamente ta bin cu un perspectiva pasobra si haci e cosnan bon, e ora ta bin espacio riba e overschot y pa ricibi inversion di negoshinan nobo.

Esey ta keda na final di e tunnel cual e habitantenan di Aruba mester mira. No ta algo cu ta unico pa Aruba. Na Hulanda tambe nan a haya problemanan pisa den nan economia. Nan mester a tuma cierto medidanan. Entre nan no gasta mas di loke bo tin. E no ta facil, e mandatario ta admiti.

Lo bay haci lo posibel pa sostene e gobierno, cu a tuma e pasonan aki.

- Advertisement -

DUNA COMENTARIO

Please enter your comment!
Please enter your name here