Home Gobierno Santa Rosa a presenta su plan di maneho na e Comision di...

Santa Rosa a presenta su plan di maneho na e Comision di Labor y Sector Primario na Parlamento

12
0
SHARE
- Advertisement -

ORANJESTAD (AAN): Recientemente, e comision di Parlamento encarga cu Labor & Sector Primario, pa prome biaha, a extende un invitacion na Gerencia di Departamento di Agricultura, Cria y Pesca conoci como Santa Rosa, pa un reunion y un presentacion ariba e plan di maneho y esfuersonan ehecuta. E distinguido Miembronan di Parlamento cu tabata presente na e ocacion aki, tabata Sr. Hendrik Tevreden como  Voorzitter di e comision acompaña pa Señora Louisette Christiaans-Yarzagaray, Señora Shailiny M. Tromp-Lee, Sr. Endy Croes, Sr. Rocco Tjon, Sr. Edgard Vrolijk, Sr. Alvin Howell y Señora Jacqueline Williams, PLV Griffier.

E presentacion a tuma lugar, Diabierna dia 29 di Juni, caminda cu Señora Nathalie Maduro, Directora pa e Departamento di Agricultura, Cria y Pesca, a duna un presentacion basta extenso y habri, splicando e diferente strategianan implementa y e diferente resultadonan y alavez e limitacionan cu mester di atencion urgente, pa por logra desaroya e Sector Primario di Aruba den un forma optimal y dunando sosten na tur nos Productornan local. E otro representantenan di Santa Rosa presente, tabata Sr. Di-Angelo Schenker, Chef pa e Seccion Financiero y Sr. Randy Maduro, Relacionista Publico.

Na final di e presentacion, e Miembronan di Parlamento, tabata tin e oportunidad pa haci diferente pregunta, cualnan a worde contesta di inmediato. Sr. Tevreden, como e Voorzitter di e comision, a gradici e delegadonan di Santa Rosa pa e presentacion y a expresa nan deseo pa por tin un contacto mas frecuente cu e Departamento, pa asina por keda na altura di tur e desaroyonan cu ta tumando lugar cu e diferente proyectonan y estudionan cu lo bay tuma lugar. Alavez a keda acorda, cu e comision lo haci e preparacionan necesario, pa e Miembronan di e Commision, por haci un bishita y recorido den Santa Rosa y bishita algun proyecto local, pa asina, por tin un miho impresion di kico Aruba su Sector Primario ta  ofrece.

- Advertisement -

DUNA COMENTARIO

Please enter your comment!
Please enter your name here