Home Gobierno SEPPA pendiente di reunion publico den Parlamento awe

SEPPA pendiente di reunion publico den Parlamento awe

60
0
SHARE
????????????????????????????????????
- Advertisement -

Tocante e futuro di Serlimar:

ORANJESTAD (AAN) – Den entrevista cu sra. Magaly Britto, Secretario General di Sindicato SEPPA, el a splica cu diaranzon mainta, despues di e informacionnan cu tabata circulando, e trahadornan di Serlimar a drenta den accion di protesta.

Mesora e sindicato a tuma contacto cu e minister y a pidie un reunion pa puntre si ta berdad e rumornan cu tabata tin di gobierno, aunke awor nan a bin haya sa cu ta trata di un reunion publico den Parlamento awe, y nan kier sa si ta berdad cu nan tin intencion di trece cambio den e ley of bin cu un mocion, pa asina exonera e otro companianan di eventual pago riba recogemento di sushi.

Sra. Brito a indica cu nan tin preocupacion riba esaki pa motibo cu mientras Minister ta para tras di e ley, y SEPPA no kier pa e ta diferente tampoco pero nan kier pa e ley sigui manera e ta.

E dama a bisa cu si lo tabata bin discusion na un manera mas amplio cu tur e partnernan social envolvi lo a tuma mas tempo pa discuti riba e tema aki, pero kizas lo a kita hopi di e preocupacionnan cu tin aworaki for di riba mesa, no solamente riba socializacion di tarifa con locual e sindicato ta di acuerdo cune, aunke nan no sa si e tarifa mester ta asina of si mester ta mas of ta menos, pasobra SEPPA no tabata den e discusion.

En todo caso e preocupacion di e sindicato ta keda rond di e stabilidad di e empresa estatal SERLIMAR, y kico ta e intencionnan di gobierno of e parlamentarionan tocante esaki.

E mandatario a mustra cu e ta compronde e preocupacion di e sindicato, y a bisa cu su preocupacion ta mescos of mas cu esaki.

Brito a indica cu en todo caso, mester warda e resultado di e reunion publico den Parlamento awe, wak si realmente lo logra kita of clarifica tur preocupacion cu e trahadornan tocante e futuro di e empresa Serlimar.

- Advertisement -

DUNA COMENTARIO

Please enter your comment!
Please enter your name here