Home Gobierno SEPPA y delegadonan di Serlimar ta riba mesun linea cu gobierno tocante...

SEPPA y delegadonan di Serlimar ta riba mesun linea cu gobierno tocante e ley

120
0
SHARE
- Advertisement -

Minister Otmar Oduber:

ORANJESTAD (AAN) – Minister di Infrastructura y Desaroyo di Medio Ambiente, sr. Otmar Oduber,  a reuni cu sindicato SEPPA y delegadonan di SERLIMAR, a duna informacion pa prensa con e encuentronan aki a bay.

E mandatario a cuminza pa gradici e sindicato y e delegacionnan cu tabata presente durante e encuentro, y a menciona cu manera ta conoci, tabata tin hopi pregunta cerca e trahadornan di Serlimar, y specialmente tocante un reunion publico cu a wordo yama den Parlamento, Diahuebs, y mas ainda despues cu cierto publicacionnan a sali den medionan di comunicacion.

Segun e mandatario e publicacionnan ta distorciona loke realmente tin, y e empleadonan di Serlimar tabata tin un preocupacion hopi grandi, y e mes a comenta cu SEPPA cu ta e mesun preocupacion cu e tin relaciona cu e reunion di awe den Parlamento, mirando riba e hecho cu gobierno a bisa cu e kier cumpli cu e ley di Serlimar, cu a wordo stipula na 2005, y cu ta hopi cla den su capitulo 8 unda e ta bisa cu tur ciudadano na Aruba tin e deber, conhuntamente, pa contribui cu un heffing pa Serlimar.

E dignatario a declara cu durante 13 aña esaki no a tuma lugar pasobra na inicio di Serlimar Suigeneris no tabata manera e ta awendia cu ta excelente.

Minister Otmar Oduber a reitera y acentua cu e ta para tras di e servicio di Serlimar pasobra e ta bibe tur siman, pero cu awor despues di diez aña cu e barinan di sushi den casnan ya caba ta cumpli diez aña di uso, algun tin hopi sla, si no aplica e ley cu ta bisa cu si no cumpli cu e cobranza cu mester haci na comunidad, e sobrevivencia di e compania ta bira hopi dificil den futuro.

E mandatario a expresa cu mas ainda cu Serlimar ta formando parti integral di e solucion duradero pa nos medio ambiente y maneho di desperdicio na Aruba.

Minister Oduber a declara cu no ta trata di si ta cobra 25 of menos, si ta tarifa social of no, pero aki ta cuestion cu tin un ley cu tur gobierno a forma parti di dje, y no ta asunto di punta dede riba ningun hende, pero loke gobierno ta trahando riba dje ta un solucion duradero.

El a reitera cu e solucion duradero aki ta logra e meta di cera e dump di Parkietenbos. Parkietenbos mester wordo sanea y instala un planta cu ta bay genera waste energy, pa atende cu e sushi sin sigui den e direccion cu nos pais ta na e momentonan aki cu un landfill manera esun di Parkietenbos.

Den e reunion cu SEPPA y e delegadonan nan tabata riba mesun linea cu e minister y nan ta interpreta e ley duidelijk, cu nan tin un trabao hopi mas amplio cu recoge y atende cu sushi pero nan tin tareanan cu tin cu haci pa comunidad.

E mandatario a menciona como ehemplo, percura pa recoge bestianan morto, ruim op dumpnan ilegal, piki tur auto bieu cu tin riba acera rond di Aruba, lanta takinan di kwihi cu ta cay rasca autonan di famia, etc.

Minister Oduber a bolbe menciona cu ningun compania priva ta haci e trabao aki, pero Serlimar pa ley tin e obligacion di haci esaki y e pueblo tin e derecho di exigi di Serlimar di haci e trabao aki conforme ley.

- Advertisement -

DUNA COMENTARIO

Please enter your comment!
Please enter your name here