Home Gobierno Serlimar mester ta financieramente stabil pa por garantisa cumplimento manera ley ta...

Serlimar mester ta financieramente stabil pa por garantisa cumplimento manera ley ta prescribi

99
0
SHARE
- Advertisement -

Minister Otmar Oduber ta mustra cu:

ORANJESTAD   (AAN):  Den pasado sindicatonan tabatin hopi resistencia riba e tarifa cu a wordo cobra di 27,50 desde aña 2015 pa recogemento di desperdicio. Considerando e cantidad di preocupacion cu a surgi den comunidad pa locual ta e tarifa socialisa, ta importante pa bay bek y realisa unda e proceso a inicia pa Serlimar y unda kier bay cu e situacion di maneho di desperdicio na Aruba.

E retonan cu tin pa locual ta desperdicio akinan na Aruba hopi biaha no ta wordo menciona, sinembargo no ta kita cu e situacion tin consecuencia pa salud di tur hende. Hopi keho a wordo haci pa locual ta e situacion di contaminacion cu y e problemanan cu esaki por causa, tur pa falta di un maneho pa atende cu desperdicio na un manera responsabel.

Desde 2005 e gobierno e tempo ey a dicidi cu no por continua mas cu e situacion cu ta maneha desperdicio akinan na Aruba pa cual a bin cu un ley. Na 2007 a fiha un tarifa di 35 florin den e ley cu mester wordo cobra pa cas. E tarifa aki a wordo reduci na 30 florin a consecuencia di diferente keho cu a surgi. Na 2015 a tuma e decision pa baha e tarifa un biaha mas, na 27,50 pa cada ‘ophaalpunt’, (cas, apartamento) akinan na Aruba. E motibo cu a dura hopi tempo pa inicia cu cobransa pa recogemento di desperdicio tabata pasobra no a haya e mihor forma pa haci esaki. Na 2015 hunto cu e tarifa reduci a tuma e decision cu Serlimar mes ta percura pa e cobransa. Despues di e decision aki, e tres sindicatonan FTA, UEA y Alvast a sali publicamente pa recomenda comunidad pa no paga esaki. E sindicatonan tabata sali for di e punto di bista cu ta di acuerdo cu comunidad mester paga, pero cu e tarifanan mester wordo socialisa. Socialisa kiermen cu esnan cu tin lomba mas hancho den comunidad/ entrada mas halto, ta yuda carga e deber cu conhuntamente nos tin pa e problematica di desperdicio akinan na Aruba. Hunto cu esnan cu financieramente tin menos den nos comunidad.

Gobierno actual cu ta di acuerdo cu e ponencia aki (socialisacion di tarifa) a sinta na mesa cu e sindicatonan concerni durante di e ultimo lunanan. Na diferente occasion a sinta cu varios instancianan tambe pa sondea opcion di cobransa mas efectivo pa e ley cu a wordo pasa na 2005 den Parlamento di Aruba. E ley ta duna Serlimar e posibilidad y obligacion di cobra comunidad den un forma sistematico. Pa recoge desperdicio. Mester accentua cu Serlimar tin un tarea hopi mas leu cu solamente recogemento di desperdicio sino e mantencion di e isla limpi. Den pasado berdad e compania no tabatin un bon servicio cual a haci cu hopi hende no kier a paga, pero awe 11 aña despues tur hende ta realisa cu Serlimar su servicio ta bon. E servicio tin espacio pa wordo mehora ainda, cual ta parti di e motibo cu ta importante pa percura pa stabilisa Serlimar pa por cumpli manera cu ley ta stipula.

- Advertisement -

DUNA COMENTARIO

Please enter your comment!
Please enter your name here