Home Gobierno Serlimar S G ta introduci su Eco-friendly mini container special pa compleho...

Serlimar S G ta introduci su Eco-friendly mini container special pa compleho di vivienda cera y apartamento

146
0
SHARE
- Advertisement -

ORANJESTAD (AAN): Serlimar S G ta introduci su Eco-friendly mini container nobo den mercado residencial cu ta special pa e sector residencial di compleho di vivienda cera y apartamento. Serlimar S G a cuminsa na introduci e Eco-friendly mini container na e compleho di vivienda sera Goldcoast, caminda lo bay remplasa un total di 280 Blue Top mini container existente pa e Eco-friendly mini containernan nobo.

E accion a cuminsa riba diabierna 13 di Juli pa 8’or di mainta caminda ekipo di departamento di “Containerpark” di Serlimar S G a sali direccion Goldcoast pa arma, laba y stiwa y a logra remplasa 60 mini container. Ekipo di Serlimar S G lo continua na haci esaki den e siman venidero, caminda lo remplasa 60 baki pa dia te ora cu finalisa e trabao na Goldcoast. Maneho di Serlimar S G ta sumamente satisfecho con e mini containernan aki ta luci den un bachi completamente nobo cu colornan neon berde y oraño, cu e logo di Serlimar graba riba e mini container. Esaki ta completamente diferente cu e Blue Top mini container existente cu ta preto cu blauw.

E Eco-Friendly mini containernan aki ta traha di plastic HDPE cu ta 100% reciclabel, nan ta di bon calidad y traha di material cu por wanta e temperatura, solo y e humedad di Aruba. E bakinan aki ta special pa desperdicio residencial y por resisti corosion di acido, alcohol, azeta y tambe petrolio. Nan ta “100% Green Made” es decir, cu nan ta traha cu e base di ethanol cu ta worde procesa di mata di caña. Pues un otro logro den desaroyo di mercado residencial caminda mini container completamente eco-friendly y di bon calidad a worde introduci pa e sector di complehonan cera y apartamento pa Serlimar S G.

Tur e Blue Top mini containernan cu a worde remplasa na Goldcoast lo worde transporta bek pa e magazijn di Serlimar S G caminda e departamento di “Quality” lo haci un analisis di e condicion actual di cada bari pa asina bin cu un plan pa reuza esakinan den e sector residencial, cu tin problemanan grandi di mini containernan kibra. Esaki ta un solucion temporario pa e sector residencial te ora cu Serlimar S G ricibi su mini containernan nobo, caminda lo continua na remplasa mini container na mas di 40.000 cas ful rond di Aruba.

Serlimar S G lo continua den e lunanan venidero na introduci su Eco-Friendly mini container pa otro complehonan di vivienda cera y apartamentonan rond di Aruba. Team di Maneho y departamentonan concerni ta sumamente orguyoso di e logro aki cu ta hiba Serlimar S G pa dilanti y ta marca e pista positivo pa sigui introduci ekipo y material cu ta sostenibel y eco-friendly den nos comunidad.

- Advertisement -

DUNA COMENTARIO

Please enter your comment!
Please enter your name here