Home Comercio SETAR a lanza su KIOSK nobo na aeropuerto

SETAR a lanza su KIOSK nobo na aeropuerto

74
0
SHARE
- Advertisement -

ORANJESTAD (AAN): –Ayeratardi, SETAR a estrena un kiosk cu un concepto totalmente nobo na aeropuerto Prinses Beatrix.

E kiosk aki ta e prome punto di benta di SETAR cu ta habri cu e diseño nobo aki. Un concepto mas inovativo, strak, moderno y digital.

“Despues di a inicia aki na Airport nos lo continua cu Teleshop Yrausquinplein y sigui pa tur otro punto di benta den e proximo aña. Clientenan den nos Teleshopnan lo sinti e diferencia.”, asina Sra. Ronica Moore Lopez, Sector Manager di Asuntonan Comercial di SETAR a bisa.

Moore Lopez a sigui splica cu clientenan cu drenta un teleshop awor pa habri un contract nobo of renoba un contract di celular ta experiencia un trayecto completamente digital. Ta scan cliente su informacion y na mes momento e por mira su contract cu ta bay keda warda digitalmente tambe. Despues di mira su informacion riba pantaya e por firma digitalmente pa medio di un “signpad”. Pronto esaki lo ta e caso pa tur servicio di SETAR. Un experiencia digital y rapido.

Hunto cu e esfuerzo pa digitalisa SETAR su procesonan, a introduci e Self Service Kiosk na tur punto di benta y awor tambe na Airport Kiosk. Via SETAR su Self Service Kiosk clientenan por recarga nan credito prepaga y paga nan cobranza na un manera mas rapido. Clientenan no tin di warda den rij mas y por drenta, sali for di un Teleshop den 5 minuut cu nan recibo den man.

Sra Moore Lopez a bisa: “Awe nos ta para dilanti un Airport kiosk nobo, moderno y cu funccionalidadnan nobo unda clientenan por cumpra SIM kaart, caarchinan prepago, data bundles, Wi-Fi cards y turista por huur celular pa e duracion di nan vakantie. Y awor tin oportunidad na clientenan di SETAR y empleadonan di AAA pa paga nan cobranza aki y recarga nan credito prepaga 24 ora pa dia, 7 dia pa siman na nos Self Service Kiosk. Esaki ta algo unico pa Aruba. Clientenan cu ta wardando den “Arrivalls Hall” awor por pasa na nos Kiosk pa carga nan celular of tablet na nos charging station nobo. Asina SETAR ta percura pa crea conexion entre bishitantenan den arrivals hall y nan sernan keri cu ta biahando of yegando Aruba bek.”

A gradici AAA pa nan apoyo y e team di SETAR cu a diseña y realisa e kiosk aki. Un biaha mas ta ilustra e inovacion di SETAR reinforsa door di nos propio hendenan local.

 

- Advertisement -

DUNA COMENTARIO

Please enter your comment!
Please enter your name here