Home Comercio Si bo kier pa bo negoshi sobrevivi, bo mester recupera e aumento...

Si bo kier pa bo negoshi sobrevivi, bo mester recupera e aumento di gasto den e producto cu bo ta bende

251
0
SHARE
- Advertisement -

Randal Croes:

ORANJESTAD(AAN): Economista di Camara di Comercio (KvK) Randal Croes Diahuebs atardi a duna un splicacion riba e Crisis Heffing, cu tin varios hende un tiki bruha den nos comunidad.

El a splica cu KvK tin tur comprension cu e actitud cu Gobierno mester a tuma pa hisa nan entrada substancialmente, pasobra e poblacion di Aruba tin cu yena e bashi di un refineria cu no a habri y e compromisonan financiero cu a hasi, suponiendo cu e refineria lo bay habri.

“Nos tin cu wak con nos ta paga mas di 100 miyon na gastonan cu nos no a spera”.

Esaki segun Croes kende a indica cu BBO ta un impuesto riba venta.

“Ora cu tin aumento di gasto di coriente, aumento di invoerrechten y aumento di gasolin, pero bo kier pa bo negoshi sobrevivi y pa bo trahadornan sigui cobra, bo mester recupera e gasto den e producto cu bo ta bende, sino bo negoshi ta bay atras”.

“Despues quizas bo no por paga banco y tur hende a perde trabao”.

Esaki segun Croes, kende a indica cu BBO ta un gasto cu mester hinca den e prijs pa bo por cumpra stock nobo.

E Economista a sigui bisa cu ora cu un gobierno bin cu medidanan y bisabo cu awor bo tin mas gasto, e comerciante por cambia e prijs di cada articulo, pero e manera mas facil ta pa pone locual bo tin cu cobra den computer y asina e ta wordo calcula riba locual bo bende.

“Ora cu bo calcula cu bo tin un entrada di 100 mil florin por ehempel y bo tin cu paga 6%, ora bo pone e esaki e ta bira 106 mil”.

“Locual Gobierno ta bay cobrabo ta 6% di 106 mil florin”.

“Pues pa e comerciante recupera e gasto di gasolin, coriente of huur cu por subi pa su negoshi, e ta djis pone 6.36% pa placa drenta den su caha, pa bo recupera casi 100% di e aumento di bo gasto di operacion di bo negoshi, cu e 6% a causa”, segun Croes.

- Advertisement -

DUNA COMENTARIO

Please enter your comment!
Please enter your name here