Home Impuesto Si no paga number di auto entrante awe 2 di Juli lo...

Si no paga number di auto entrante awe 2 di Juli lo tin cu paga un multa adicional

281
0
SHARE
- Advertisement -

ORANJESTAD   (AAN): Durante e conferencia recien di gobierno, directora di Departamento di Impuesto tabata presente banda di e Minister di Finanzas. A contesta pregunta encuanto multa relaciona cu number di vehiculo di motor y pagonan laat.

Segun directora di Departamento di Impuesto, Luenne Pieters, a splica cu si por compronde of corda, na aña 2017, e cambio a tuma luga den e ley di motorrijtuigbelasting & motorbootbelasting, caminda cu a stipula e termino di pago, cual antes nos a conoce un termino di pago di cuartal, a reduci’e pa dos pago pa aña.

E prome pago di e prome dos cuartalnan mester sosode uiterlijk 31 di Januari. E di tres y di cuater cuartal, mester ta paga pa dia 30 di Juni, di cada aña. Door cu 30 di Juni ta cay riba un diasabra, tin un ley cu ta stipula un termijnenverordening, unda cu tin un deadline di impuesto cu ta cay riba un dia di fiesta of un fin di siman, cu e siguiente dia di trabao, ta bira e dia caminda cu e cliente lo mester cumpli cu su pago di impuesto.

Den e caso aki, ta bira dia 2 di Juli. Den e cambio ora tuma luga na 2017, tambe a wordo stipula cu si e belasting no wordo paga, departamento di Impuesto tin e autoridad pa saca un cobransa adicional. Manera cu nos conoce un naheffingsaanslag, pa e tipo di belasting manera loonbelasting, BBO, esaki caba tabata e caso. Pa Motorrijtuigbelasting na 2017, e cambio di ley a trece cun’e cu awor aki Departamento di Impuesto por saca un cobransa adicional, si e cliente no paga su impuesto di vehiculo di motor.

Prome cu esey no tabata asina. Pesey tabata semper depende riba polis su control. Ora cu polis controla un automobilista, e ta controla si e tin su seguro paga, su belasting paga y tin su papelnan naturalmente. Si e belasting no a wordo paga, antes polis lo duna un boet. Esey lo keda igual. Pero awo Departamento di Impuesto a haya e poder a base di ley, pa si e automobilista no paga su belasting di vehiculo di motor, por saca un cobransa.

Despues di esaki tambe ta bin cun’e cu un otro cambio cu a bin den e ley ta e cobransa por wordo saca, pero si e pago no sosode manera mester ta, por pone un boet tambe, te cu maximo 100% di loke e belasting ta. Si en caso tin un belasting cu tin cu wordo paga di 300 of 306, incluyendo e sticker, e por ta posibel cu por pone un boet te maximo 100% di e belasting cu tin cu wordo paga, den e caso aki , lo mester bay paga e ora ey 612 florin.

Semper ta notifica e clientenan, segun cu e lunanan ta bay den e aña, pa corda paga na tempo, corda bay na departamento di Impuesto of paga online. Tin sistemanan na su luga y e ta hopi mas facil y sigur tambe. No tin nodo di para den rij na Departamento di Impuesto. Pa percura cu e deadlinenan aki ta deadlinenan serio, pa cumpli cun’e y pa evita consecuencianan indesea.

Den e caso aki un boet of un cobransa adicional. E ta posibel. Ta bezig cu e trayecto aki. Pero manera cu e deadline pasa, lo bay informa minister pa di prome, cuanto automobilista no a paga nan nummerplaat y cuanto cobransa adicional lo bay sali cu e boetnan menciona.

 

Evaluacion

Pieters a sigui splica cu nan lo no evalua di e manera cu ta duna un persona 100% y un otro ta duna 25%. E ta a base di maneho, mescos cu ta sosode cu tur tipo di belasting. Si ta prome biaha cu bo ta laat, bo ta haya un boet mas abao. Si ta pa di dos of di tres biaha por ehempel, ta haya un boet mas halto. A base di maneho ta stipula e boetnan cu ta wordo compaña cu e cobransa adicional.

- Advertisement -

DUNA COMENTARIO

Please enter your comment!
Please enter your name here