Home Parlamento Sindicato SEPPA a reacciona riba e “mancha” cu Parlamentario Edgard Vrolijk a...

Sindicato SEPPA a reacciona riba e “mancha” cu Parlamentario Edgard Vrolijk a referi na dje

294
0
SHARE
- Advertisement -

ORANJESTAD(AAN): Kere den Sindicalismo y sa con e ta funciona hunto cu trahadornan y sigur ora trahador ta dicidi pa su accion ta totalmente otro. Ademas, loke cu Politiconan kier di Sindicalismo ta semper basa riba conviniencia y no pa loke cu Sindicalismo ta berdaderamente. Ora bo ta den Oposicion, bo ta apoya tur cos paso e ta combinibo. Trahadornan di Serlimar hunto cu SEPPA a a Sali den pasado y no tabata falta e politiconan ey cu awe ta sinta den gobierno, hasta den parlamento !!.

Pues e mancha ey cu Sr.Vrolijk ta papia di dje, e buske unda cu e kier como politico pero no cerca SEPPA y si bo kier papia di usa trahador homber y muher balente, laga e trahadornan di Serlimar mes bisabo unda nan ta para. No profila como algo diferente, y sinta usa e mesun gritonan di antaño, cu na comienzo a zona leuk, despues a bira dimas te cu ta cansa hende su oido.

SEPPA ta aplaudi si e sugerencia pa mas Dialogo, loke semper nos ta kere aden. Lo ta bon si pa tene na bista cu ora ta papia di Dialogo, corda cu Dialogo no ta ora ta combini abo so, bo partido of gobierno pero hasta ora cu cosnan por ta fastioso!!

Y corda cu den e caso di Serlimar nos a bay Dialoga cu bo mesun Minister di Infrastructura Sr.Otmar Oduber pa claridad pero e Minister tambe a Sali afo bisa cu e ta compronde e preocupacionnan. Anto ta con awo???? Pues lo ta bon pa Sr.Vrolijk bay busca e contesta di e resultado di dialogo na su porta.!

Den e articulo Sr.Vrolijk tambe ta yama e accion di Trahadornan di Serlimar uno basa riba Redo of Shisheria.

E berdad tras di e manifestacion NO ta keda na Sr.Edgar Vrolijk pa huzga esaki. Ni den Parlamento e no tin e poder ey pa dicidi, menos bao di e trahadornan. E ta un representante di pueblo y mester scucha e pakico e trahadornan di Serlimar ta preocupa. E pakico despues di a scucha e banda di e Minister di Infrastructura ainda e trahadornan a keda preocupa of pakico nan a keda mas desconfia ainda !!. Straño noh, ta kico tanto a ser bisa. Ta eynan Sr.Vrolijk mester lansa su preocupacion.

Awo, ta di unda Sr.Edgar Vrolijk, un parlamentario ta Sali cu e manifestacion ta basa riba Redo of Shisheria?? Unico cos cu nos por conclui ta cu indirectamente, usando SEPPA of e trahadornan di Serlimar e ta yamando e Minister di Infrastructura un Shishi ya cu e tambe tin mesun preocupacion cu e trahadornan di Serlimar y SEPPA. !!!

Awo cu tin rumor cu lo kier cambia cos, mocion of con cu nos kier yama e situacion cu tabata reina y tur cos a worde para ta algo otro. Esakinan ta problema di esnan cu a percura pa e rumor aki a lanta y spart bao di trahadornan ya cu tambe tin rumornan di cierto reunion scondi cu a tuma lugar.

Trahadornan di Serlimar a Sali defende nos compania estatal y ta spera mesun cos di Parlamento, esta defende loke ta di nos!

Un cos SEPPA sa e trahadornan a Sali defende nan derecho !! E derecho pa defende e empresa di pueblo, unda cu ora a lanta e empresa Serlimar pa pueblo di Aruba, e gobierno e tempo aya (porcierto di MEP) a compromete su mes cu e empresa aki ta keda 100% di pueblo, cu Serlimar lo tin e derecho solido di procesamento di sushi y cu pais Aruba lo percura pa su existencia y pa inversionnan necesario.

No ta pornada a lanta Serlimar Sui Generis y kizas lo ta bon pa bay cerca e Minister di e tempo aya y puntre ta abase di kico y di ki forma e a protéga Serlimar tur tempo for di e ‘cayman’nan.

Asunto di Alocacion di Fondo, e ta asina manera Minister ta papia of ta Parlamentarionan tin e berdad den nan man?

Trahadornan di Serlimar tambe tin preocupacion riba e asunto di alocacion di e 5 miyon ey, si ta asina si of no, e pakico diripiente un cobranza, etc.. Pero e contestanan aki, trahador kier a scucha e debate. Ta eyden tur hende mester ta. No e gritonan pafo di Parlamento, cu tur hende sa, ta diferente cu ora ta paden y ta ‘cuchi cuchi’ cu otro. Minister ta bisa SEPPA cu e 5 miyon tabata pa algo otro y ta splica cu ta su mesun persona a pidie basa riba otro asuntonan di Serlimar y Parlamentarionan ta bisa cu tabata pa no bay over na cobramento den 2018. Kende ta papia e berdad awo esey Pueblo mes no a haya sa paso a core cancela e reunion publico, a core stroba e trahadornan di scucha y niun hende no sa awo ta kende ta gaña.

Por core saca curpa bisando cu ta paso e cobranza a sosode den un forma abrupto y kizas ni necesario pa e aña aki. Pero pa e trahador e punto ta keda algo a sosode akinan y no bin traha storia rond di e ley di Serlimar. Paso trahador lo Sali back y bay na loke tabata e promesa di gobernantenan e tempo aya riba Serlimar Sui Generis desde su lantamento.

E carta misterioso den mente di Sr.Edgar Vrolijk.

Awo si nos sigui e famoso Redo di Sr.Edgar Vrolijk, e mes ta papia di un carta y hasta ta jame carta misterioso. Su so cu su so! SEPPA no a bisa Sr.Vrolijk cu a manda carta sino esey a worde papia internamente. Ta bon Sr.Vrolijk bay check cu su propio fuente y papia cosnan concreto si. E pregunta ta awo, acaso esaki no yama bay tras di redo of shisheria?

SEPPA mes lo no sigui perde tempo cu e tema aki di e parlamentario aki, pero nos lo tene na loke su colega Sr.Tjon a bisa den conferencia, esta cu e ta garantiza e personal di Serlimar sigur sigur semper e lo ta na fabor di e clase trahador.

Pero tambe pa un rato SEPPA y trahadornan di Serlimar lo keda pendiente di kico exactamente tabata kiermeen cu e expresion di “cu semper e lo ta na fabor di un ley cu no ta “discriminatorio”.

- Advertisement -

DUNA COMENTARIO

Please enter your comment!
Please enter your name here