Home Gobierno Sindicato SEPPA ta di acuerdo cu e socializacion di tarifa pa servicio...

Sindicato SEPPA ta di acuerdo cu e socializacion di tarifa pa servicio di Serlimar

98
0
SHARE
- Advertisement -

Minister Otmar Oduber:

ORANJESTAD (AAN) – Minister Otmar Oduber a duna di conoce, den un entrevista cu DIARIO, cu durante su reunion cu Sindicato di Empleadonan Publico y Priva “SEPPA”, encuanto e tema di Serlimar, e sindicato a bise cu nan no a wordo acerca pa loke ta concerni socializacion di e tarifa.

E dignatario ta contento cu SEPPA ta di acuerdo cu e aspecto aki, aunke nan lo a prefera di a forma parti di e discusion. E minister a splica nan con gobierno a percura e socializacion cargando mas peso riba esnan cu tin e lomba mas hancho.

Segun Minister Oduber esaki ta un heffing similar na esun hinca den e ley di AZV unda cu esnan cu lomba mas hancho ta paga mas na prima. El a señala cu mes esun pa Serlimar lo funciona.

E dignatario a menciona cu SEPPA a manda un carta pa gobierno, unda cu e sindicato a pensa cu ta nan kier cambia e ley. Oduber a subraya cu absolutamente cu no, pero ta bay cumpli cu e ley aki. E minister a indica cu e empleadonan ta preocupa cu si ta bay sigura cu tur cas lo wordo cobra pa,  financieramente, di un bez pa tur, Serlimar ta haya motibo di existencia, cu ta independiente di e gobierno cu tey pa wak si e ta hinca den presupuesto e fondonan cu nan mester si of no.

E mandatario ta garantiza cu e trahadornan na dump ta sigui cu nan trabao normal cu locual ta sushi bruto di construccion, etc., pues cu no ta den e categoria di sushi di cas.

Minister Oduber a menciona tambe cu e personal di landfill di Parkietenbos tambe ta activo na Seroe Teishi y ta mustra cu nan ta keda cu nan trabao. E mandatario a agrega cu el a compromete cu SEPPA riba nan proposicion den e Comision cu tin pa asegura cu e existencia di Serlimar tey y pa wordo mehora den futuro pa e calidad di bida su empleadonan tambe.

- Advertisement -

DUNA COMENTARIO

Please enter your comment!
Please enter your name here