Home arte y espectaculo Stichting Musica a topa cu presidente di AMAK pa intercambio di idea

Stichting Musica a topa cu presidente di AMAK pa intercambio di idea

48
0
SHARE
- Advertisement -

ORANJESTAD(AAN): Stichting Musica tabata tin encuentro cu presidente di AMAK, Feco Gomez. Esaki ta pa un encuentro informativo cu ta encera den preparacion pa festival Aruba Caiso & Soca Monarch 2019.

Segun presidente di Musica, Hedwina Henriquez a splica cu nan a combersa amablemente y a encontra varios topico cu tabata kier a haya e ideanan un di e otronan, pa asina por comparti cu otro mas cu tur cos, pa Aruba Caiso & Soca Monarch 2019.

Henriquez a menciona cu nan ta hopi contento cu e presencia di Gomez, pa hiba e mensahe pa tur musico di Aruba y tambe pueblo henter, cu ya caba nan kier pa pone un datum pa nan, cu nan ta preparando, sperando e agenda concretisa completo y asina trece tur e novedadnan, tur e ideanan nobo y pa nan por pone un festival di Aruba Caiso & Soca Monarch, cu lo tin cambionan basta grandi.

Nos tin nos festival, y nan tin nan festival. Henriquez a splica cu nan ta intercambiando, con ta organisa. E puntonan organisatorio, Henriquez a splica. A scucha con cos ta bayendo na Corsou, aunke cu nos festival ta diferencia cu di nan, cual ta Tumba. Den e sentido organisatorio por comparti semper con e puntonan ta cuminsa. Esta kico por conta na cambia, kico por bin nobo, kico a traha, kico no a traha.

Un di e puntonan cu kier enfoca riba dje ta engrandece Aruba Caiso & Soca Monarch, esta genera mas entrada, pa asina por motiva pueblo di Aruba, pa bin apoya nos cantante y musiconan cu ta participa.

Pa loke ta e ultimo dos añanan, Stichting Musica ta super satisfecho. Por bisa cu tabata tin den nan board, e prome aña, tabata tin un reto hopi grandi, cual nan a surpasa. E aña aki nan ta satisfecho y awor aki ta conta cu na 2019, mester por cuminsa trece un cambio extra. E nivel di e festival ta bay subi y ta conta tambe cu nos musico y participantenan, tur ta bay prepara y trece produccionnan na nivel un tiki mas halto. En general, Musica ta mirando cu nan ta riba un hopi bon caminda. Pero kier mira e festival aki crece ainda mas. Tur e intension y tur e trabaonan tras di tur esaki, ta pa mira crecemento den e festival di Aruba Caiso & Soca Monarch.

Esaki ta e festival di mas grandi di Aruba, segun Werleman, pesey mester evalua kico a pasa, con e ta bayendo y kico por haci na cambionan pa e crecemento. E no ta solamente pa bisa cu ya, ta bay tin un festival, tabata tin tanto participante y ta conta cu ta bay tin tanto. E ta conta kico ta trece pa e participante, pa motiv’e pa su produccion por subi, pero no obstante kico bo ta haci y con pa logra pa trece mas trafico dentro di e festival. Ta e fanaticonan ta loke ta pone e festival crece. E ta e motivacion mas grandi di cada participante.

Werleman a splica cu sin e sosten comercial, e festival no ta cana. Ta conta riba crecemento den e branding partners. Ta conta riba crecemento den esnan cu ta coopera y cu a coopera semper cu Musica.

Den tur su totalidad a evalua pa mira kico ta e cambionan di planificacion for di e contenido di con bo ta bay, kico bo tin di cambia riba bo plataforma. Ademas di con bo ta mercadea y con hopi bo por brinda bek na bo branding sponsor. Kico ta e productonan cu nan por ofrece y unda cu Musica por yuda pa asina nan producto ta forma un bon parti den e festival.

E aña aki e finance report ta cla caba for di 2 luna pasa. A present’e caba na e musiconan. E tabata satisfactorio. Musica no ta den debe. El a logra cubri e festival aki bon atrobe. Pero no ta ainda riba e nivel financiero cu realmente e festival mester ta. Ta pesey ta conta cu un combersacion cu presidente di AMAK, cu tin asina hopi aña di experiencia y ta conta cu un festival di un magnitud unda cu posiblemente un dia nos di Aruba tambe por alcansa.

- Advertisement -

DUNA COMENTARIO

Please enter your comment!
Please enter your name here