Home Ciencia y Tecnologia Studiantenan cu kier studia den exterior por haya mas informacion riba website...

Studiantenan cu kier studia den exterior por haya mas informacion riba website inovativo di Arubalening

68
0
SHARE
- Advertisement -

ORANJESTAD (AAN): Studiantenan cu kier bin na remarca pa un Arubalening entrante Augustus 2018 mester tuma nota di e proceso di aplicacion, como tambe e diferente deadlines, segun Sra. Celina Oduber, hefe di departamento di Studiefaciliteiten, cu ta forma parti di Departamento di Enseñanza, y ta encarga cu e proceso di Arubalening.

Sra. Oduber a splica cu Arubalening tin hopi aña ta existi caba, y en ultimo añanan nan a introduci algun cambio. Actualmente nan ta bezig cu e tanda di studiantenan ta bay studia den exterior y cu ta bin na remarca pa un Arubalening.

El a indica cu tin cierto productonan cu un studiante por bin na remarca, manera Arubalening Nederland; Verzekeringskrediet; Reisticket; Arubalening USA/CAN; Arubalening Andere Landen; Arubalening Master studieland Nederland y Arubalening Master.

Na momento cu un studiante ta cla pa sigui su estudio den exterior, nan por aplica pa un Arubalening. Nan ta brinda dos servicio, controla y evalua tur documento cu ta wordo entrega, cu ta e cambio cu a wordo introduci na 1 di Februari 2017. Nan a logra implementa un Arubalening Portal, pa asina tur studiante tin acceso den cualkier momento pa por entrega documentonan. E tarea di e studiante ta pa crea nan Arubalening Account; log in den Arubalening portal; check riba e start pagina fecha di deadlines pa entrega documentonan. E website cu studiante por acudi ta www.ea.aw.

Studiantenan cu ta bay Hulanda ta bin na remarca pa Arubalening Nederland of Arubalening Masters studieland Nederland. Banda di esaki tin servicionan adicional manera e Verzekeringskrediet, na unda legislacion Hulandes ta haci un distincion entre seguro pa studiante seguro basico. Studiantenan di Aruba ta yega Hulanda ta pasando den algo full nobo, na unda nan unico obhetivo ta pa studiantenan logra un diploma den exterior, kiermen nan ta bringa un studiante seguro valido for di Augustus 2018 te cu December 2018, despues di December 2018 cada studiante mester informa nan mes riba diferente opcionnan cu ta wordo brinda na Hulanda pa asina tuma un bon decision, y scoge si ta keda cu seguro cu nan ta brinda of scoge pa un otro seguro. Cualkier pregunta relaciona cu seguro, por acudi na Arubahuis of cerca nan studie mentor.

– Lening Reisticket –

Lening Reisticket, den pasado tabata conoci como bursalen, e aña aki a introduci un cambio na unda cada studiante ta responsable pa book nan ticket. Despues di completa nan proceso di aplicacion via Arubalening portal, pa acudi na Discovery Travel cu nan paspoort y un verklaring tot toekenning pa book nan ticket pa Hulanda.

Aruba Lening y Departamento di Enseñanza kier a desea studiantenan tur clase di exito.

- Advertisement -

DUNA COMENTARIO

Please enter your comment!
Please enter your name here