Home Salud Ta hopi calor e dianan aki y cierto ciudadanonan mester ta mas...

Ta hopi calor e dianan aki y cierto ciudadanonan mester ta mas cauteloso cu esey

297
0
SHARE
- Advertisement -

ORANJESTAD (AAN): Aruba ta drentando den e lunanan di calor, unda cu temperatura ta varia entre 27 pa 32 grado. E aire ta seco y e persona ta haya un impacto mas grandi.

Pesey mes den fin di siman, ta monton di hende a acudi na beach, pa asina por drenta y refresca curpa den lama bunita cu e isla aki tin.

Dr. Wilmer Salazar di Departamento di Salud Publico ta informa a splica cu mester tene cuenta cu e consecuencia pa salud t’ey ora cu’n persona ta haya asina hopi calor, mas tanto mucha y hende mayor di 65 aña. Pero tambe personanan cu ta sufri di curason of pulmon. E calor intenso of exposicion na e calor, sea den luga publico of den un cas cu no tim bon ventilacion lo aumenta e temperatura di curpa, cu problemanan cu organonan interno. Esaki por tin conscuencianan fatal cun’e.

Tin dos tipo di consecuencia di e calor. Un ta e golpi di galo, cu ta un malesa unda cu e temperatura ta aumenta pasando 40 grado. E persona lo haya problema cu riñon, curason etc. Na Canada y Europa y Mexico, como tambe cierto aereanan di Suramerica tambe, varios ta e hendenan cu a muri door di e calor.

Un deportista, preferiblemente haci esaki den oranan di mainta trempan, of despues di 5 or of 6 or di atardi. Bebe hopi likido, pa evita deshidratacion. Aplica un protector contra solo, preferiblemente cada dos hora. Si bo ta bay den lama, preferiblemente cada hora, cada mei hora. Esaki door cu e awa ta laba e sunscreen y e persona ta keda sin proteccion.
Tambe uza pañanan suave, paña di catuna. Paña di polyester ta conserva e calor y ta causa mas problema. P’esey e temporada aki, mester tene na cuenta cu mester proteha e curpa. Hendenan cut a sufri di presion halto, hendenan cu ta sufri di problema di pulmon y cuero tambe, proteha pa evita tur inconvenientenan aki.
Ora di practica algun deporte cu ta worde practica den solo, miho ta pa uza proteccion. E humedad ta causa iritacion di cuero y ta causa di infeccion. E ta importante pa tene esaki na cuenta, specialmente personanan di edad mayor, preferiblemente, tapa cabes cu sombre. Y uza paña light, di catuna preferiblemente y protector solar. Bebe hopi likido. Si ta un ambiente fresco, cu’n fan of un airco, lo ta hopi bon.
Si ta importante pa no laga muchanan ni hende di edad den auto. E calor den 10 minuut, e ta subi 6 grado den un auto. Esaki lo tin consecuencianan severo. Tin caso unda muchanan a keda hopi malo den auto y tambe personanan di edad. Esaki ta conta tambe pa animal.
Sintomanan di e golpi di calor of calor severo, e cabes ta draai, hopi dolor di cabes. E ta soda na principio, cu por bin cu sacamento y te hasta convulsion. Su presion ta bay halto, cu por tin consecuencianan fatal manera un ataca di curason.
Esaki ta e temporada di hopi calor, di vakantie. Tur hende ta gusta bay lama, ta bay haci deporte. Y busca un luga cu ta mas fresco, of den oranan na unda e zenith, cu ta e punto mas halto di solo cu ta merdia, no haci e tipo di cosnan aki.
Evita exposicion di largo tempo na solo y si ta haci’e, proteha manera debe ser. Te asina leu, declaracionnan di Dr. Wilmer Salazar, di Departamento di Salud Publico.

- Advertisement -

DUNA COMENTARIO

Please enter your comment!
Please enter your name here