Home arte y espectaculo Ta hopi importante pa salvaguardia interes di e musiconan

Ta hopi importante pa salvaguardia interes di e musiconan

14
0
SHARE
- Advertisement -

Feco Gomez di AMAK:

ORANJESTAD  (AAN):  Feco Gomez di AMAK tabata di bishita na Aruba cerca Stichting Musica, unda cu nan tabata tin intercambio di idea. El a splica cu tur por siña di otro. Un cos cu e por bisa Stichting Musica, cual tambe el a bisa AMA den pasado, cu ta hopi importante pa e interes di e musiconan ta salvaguardia. E tin hopi respet pa e musiconan Arubiano. E sacrificio cu nan ta haci pa mantene festivalnan bibo. Pero ta yega na e momento tambe cu tin cu duna nan e compensacion cu nan por cubri e gasto cu nan tin cu ta hopi halto pa participa na e festivalnan. Esey ta un punto di salida cu ta aplica na e musiconan na Corsou.

Tin di compronde cu e situacion na Aruba ta otro, pero poco poco Stichting Musica tambe, tin intensionnan serio pa wak con y na unda, den ki forma nan lo por haya algo extra pa e musiconan cu ta participa na festivalnan, cu por wordo yuda.

A papia tambe den terminonan general, con e situacion ta na Aruba, con e ta na Corsou. E asunto di branding partnership tambe a wordo treci p’adilanti. Ta elementonan masha importante cu ta genera entrada. Tin tambe premionan pa ganadornan di e festival, cu ta hopi halto y segun Gomez, di awe pa mañan por haci’e na Aruba mesun cos, pero gradualmente e pueblo mester ta orguyoso cu nan tin un festival di Calypso y Tumba na un nivel asina halto.

Caminda cu AMAK por duna un aporte, nan tey. Nan tin un relacion di hopi tempo cu Aruba. Ta trahamento tambe cu  Hildward Croes d.f.m tabata hopi fuerte. Su intension tabata pa lanta e asociacion na Aruba. AMAK tey keto bay y caminda cu por ta aporta. A keda great cu na Aruba tin un asociacion, un fundacion fuerte cu por traha na interes di musiconan di ambos pais.

Na prome luga e participantenan mester haya un recompensa cu ta bale la pena pa nan por participa. Hopi biaha ta interpreta esaki malo. Na Corsou tambe nan ta bisa cu ta placa e musiconan kier. Pero nan no ta realisa cuanto gasto e musiconan tin prome cu nan subi riba escenario. Nan tin gasto na paña, na areglo, anochinan di preparacion. Si nan por haya maske cu ta parti di nan gastonan aki bek, ta hopi bon, segun Gomez.

Locual cu a trece dilanti tambe, cu ta hopi importante na Aruba, pa tin un proteccion bon pa e musiconan. Na Corsou ta confrontando un problema caminda por ehempel cu diferente luga di fiesta, tin cu cera pa motibo di reclamonan di zonido. Mesora a acciona, tene reunion. A manifesta y a haya oido cerca gobierno cu ta bezig ta reglando esaki. Esey ta importante pa e organisacionnan na Aruba haya e reconocimento y pa musiconan sostene organisacionnan manera AMA y tambe Stichting Musica, pa asina eynan nan por sali na nan interes.

Tin di compronde den diferente hotel, e musiconan stranhero ta drenta. Na Aruba awor aki ta e musico Arubiano mester ta na prome luga. Na Corsou, ta musiconan di Corsou ta na prome luga. Asina tin cu wak’e. Semper bay por yega na acuerdonan manera entre e islanan Hulandes Caribense, etc. cu bo ta drenta otro tratonan, pero no por ta asina cu e musico cu ta local, ta ser perhudica pasobra e oportunidadnan di trabao ta bay pa otronan.

Gomez a splica cu nan ta cuminsa prepara for di tempran. Berdad na Corsou e parti comercial ta hunga un rol hopi importante. Ora cu mira cu ultimo añanan hopi hende ta perde trabao y economia no ta draai manera mester ta, ta busca otro forma pa haya entrada. Na Corsou tin e entrada for di pay per view y tin algun branding partners. Nan ta cobra 40% di e entradanan. Esey ta pone cu por duna e premionan manera cu ta duna na ganadornan, na e bandanan cu a clasifica, etc.

Gomez ta pensa cu si e comerciante na Aruba mira cu berdad nan tin un deber moral pa salvaguardia un actividad, un festival cu ta di Aruba, plus pa nan aporta na esnan cu ta hinca nan schouder pa organisa tipo di festivalnan asina, nan lo aporta y kisas, na prome instante, a conseha cu no por bay exigi manera cu ta haci’e na Corsou, pasobra nan tin hopi aña mas bezig. Sinembargo tin cu cuminsa un caminda y mester genera entrada pa por sali for di e gastonan, Gomez a splica.

ORANJESTAD  (AAN):  Feco Gomez di AMAK tabata di bishita na Aruba cerca Stichting Musica, unda cu nan tabata tin intercambio di idea. El a splica cu tur por siña di otro. Un cos cu e por bisa Stichting Musica, cual tambe el a bisa AMA den pasado, cu ta hopi importante pa e interes di e musiconan ta salvaguardia. E tin hopi respet pa e musiconan Arubiano. E sacrificio cu nan ta haci pa mantene festivalnan bibo. Pero ta yega na e momento tambe cu tin cu duna nan e compensacion cu nan por cubri e gasto cu nan tin cu ta hopi halto pa participa na e festivalnan. Esey ta un punto di salida cu ta aplica na e musiconan na Corsou.

Tin di compronde cu e situacion na Aruba ta otro, pero poco poco Stichting Musica tambe, tin intensionnan serio pa wak con y na unda, den ki forma nan lo por haya algo extra pa e musiconan cu ta participa na festivalnan, cu por wordo yuda.

A papia tambe den terminonan general, con e situacion ta na Aruba, con e ta na Corsou. E asunto di branding partnership tambe a wordo treci p’adilanti. Ta elementonan masha importante cu ta genera entrada. Tin tambe premionan pa ganadornan di e festival, cu ta hopi halto y segun Gomez, di awe pa mañan por haci’e na Aruba mesun cos, pero gradualmente e pueblo mester ta orguyoso cu nan tin un festival di Calypso y Tumba na un nivel asina halto.

Caminda cu AMAK por duna un aporte, nan tey. Nan tin un relacion di hopi tempo cu Aruba. Ta trahamento tambe cu  Hildward Croes d.f.m tabata hopi fuerte. Su intension tabata pa lanta e asociacion na Aruba. AMAK tey keto bay y caminda cu por ta aporta. A keda great cu na Aruba tin un asociacion, un fundacion fuerte cu por traha na interes di musiconan di ambos pais.

Na prome luga e participantenan mester haya un recompensa cu ta bale la pena pa nan por participa. Hopi biaha ta interpreta esaki malo. Na Corsou tambe nan ta bisa cu ta placa e musiconan kier. Pero nan no ta realisa cuanto gasto e musiconan tin prome cu nan subi riba escenario. Nan tin gasto na paña, na areglo, anochinan di preparacion. Si nan por haya maske cu ta parti di nan gastonan aki bek, ta hopi bon, segun Gomez.

Locual cu a trece dilanti tambe, cu ta hopi importante na Aruba, pa tin un proteccion bon pa e musiconan. Na Corsou ta confrontando un problema caminda por ehempel cu diferente luga di fiesta, tin cu cera pa motibo di reclamonan di zonido. Mesora a acciona, tene reunion. A manifesta y a haya oido cerca gobierno cu ta bezig ta reglando esaki. Esey ta importante pa e organisacionnan na Aruba haya e reconocimento y pa musiconan sostene organisacionnan manera AMA y tambe Stichting Musica, pa asina eynan nan por sali na nan interes.

Tin di compronde den diferente hotel, e musiconan stranhero ta drenta. Na Aruba awor aki ta e musico Arubiano mester ta na prome luga. Na Corsou, ta musiconan di Corsou ta na prome luga. Asina tin cu wak’e. Semper bay por yega na acuerdonan manera entre e islanan Hulandes Caribense, etc. cu bo ta drenta otro tratonan, pero no por ta asina cu e musico cu ta local, ta ser perhudica pasobra e oportunidadnan di trabao ta bay pa otronan.

Gomez a splica cu nan ta cuminsa prepara for di tempran. Berdad na Corsou e parti comercial ta hunga un rol hopi importante. Ora cu mira cu ultimo añanan hopi hende ta perde trabao y economia no ta draai manera mester ta, ta busca otro forma pa haya entrada. Na Corsou tin e entrada for di pay per view y tin algun branding partners. Nan ta cobra 40% di e entradanan. Esey ta pone cu por duna e premionan manera cu ta duna na ganadornan, na e bandanan cu a clasifica, etc.

Gomez ta pensa cu si e comerciante na Aruba mira cu berdad nan tin un deber moral pa salvaguardia un actividad, un festival cu ta di Aruba, plus pa nan aporta na esnan cu ta hinca nan schouder pa organisa tipo di festivalnan asina, nan lo aporta y kisas, na prome instante, a conseha cu no por bay exigi manera cu ta haci’e na Corsou, pasobra nan tin hopi aña mas bezig. Sinembargo tin cu cuminsa un caminda y mester genera entrada pa por sali for di e gastonan, Gomez a splica.

- Advertisement -

DUNA COMENTARIO

Please enter your comment!
Please enter your name here