Home Gobierno Ta parce cu Minister di Enseñansa no tin fortificacion di Centro Multidisciplinario...

Ta parce cu Minister di Enseñansa no tin fortificacion di Centro Multidisciplinario como un prioridad

155
0
SHARE
- Advertisement -

Parlamentario Jennifer Arends-Reyes

ORANJESTAD (AAN): Segun sra Arends-Reyes desde April pa awo, cu Parlamento a aproba dos mocion specifico y importante no tin accionan di parti di Minister cu ta trankilisa e personalnan tanto di DPS como di e Centro Multi- Disciplinario na Dakota.

Recientemente fraccion di AVP a pidi un reunion publico cu e Minister di Enseñansa pa asina por splica Parlamento exactamente kico ta su planan. Como representante di pueblo ta haci uzo di derecho pa asina yama e Minister aden pa bin splica, sigur despues cu ta tuma nota cu ta continua cu diferente independisacion manera Middag Mavo, Nos Atardi, Traimerdia.

Considerando tambe informacion cu ta yega na oido di nos fraccion cu e werkgroep cu ta trahando ariba e concepto pa statutonan pa independisa DPS ta activo ainda.

Pues e mocion ta papia cla y no ta papia di pospone pero di cancela e idea aki pa por reina trankilidad cerca e maestronan y trahadornan. Nos por a tuma nota despues cu a entrega e peticion pa un reunion publico cu e Minister a sali cu un reaccion pa ataka honorable miembronan di Parlamento Sr. Marlon Sneek y Sra Arends-Reyes pa motibo cu ta traha pa un stichting.

Esaki por considere como un ‘cheap shot’ mirando cu e argumento aki ta irrelevante na momento cu ta representa pueblo den su totalidad sin discrimina ningun persona, corda pa bay wak unda nan ta traha. Y ta importante pa bisa cu na momento cu tur school na Aruba bay den stichting e por afecta e posicion huridico di tur esnan cu ta den stichting caba y e interpretacion di ta gelijkgesteld na un ambtenaar cu mesun posicion lo por bira un problema.

‘Na momento cu cualkier grupo den pueblo haci apelacion na nos, pueblo mester sa cu nos ta para cu nan 100%’ sra Arends-Reyes ta splica. Varios atardi di sesion a ser organiza pa maestronan pa invita parlamentarionan di tur fraccion pa bin tende kico ta nan preocupacionnan y sentimentonan pesey Parlamento mester tuma esaki na serio.

Ora cu trahadornan profesional di MDC ta pidi ayudo na beneficio di muchanan cu mester guia specifico mester duna nan un man, no por ta asina cu ta cualifica tur maestro y profesional cu ta critico y ta pidi ayudo, como parti di un of otro plan partidista. Ta e muchanan cu no ta ricibi ayudo ta worde perhudica pa motibo cu e trabao na MDC ta bira insigur pa motibo cu Minister no ta duna e centro aki oido ni mucho balor pa por sigui existi y no ta reemplaza e profesionalnan cu ta buscando seguridad di trabao otro caminda.

Fraccion di AVP ta haya e fortificacion di MDC sumamente importante y por bisa cu hasta falta di accion pa brinda e muchanan di atencion profesional y specialisa ta bay contra e decreto di derecho di mucha Artikel 3: Belang van het kind, lid 1. Bij alle maatregelen betreffende kinderen, ongeacht of deze worden genomen door openbare of particuliere instellingen voor maatschappelijk welzijn of door rechterlijke instanties, bestuurlijke autoriteiten of wetgevende lichamen, vormen de belangen van het kind de eerste overweging.

Pues Minister tin basta cos di splica na Parlamento, e organo mas halto di nos pais mirando cu e mocion nr 86 cu a pasa cu 19 voto na favor incluyendo cu sosten di fraccion di RED den Parlamento. Mester bisa cu ta wak cu Minister no ta tumando e decision di Parlamento aki na serio.

Mirando cu den e mocion Minister mester a duna Parlamento un update di e status di MDC segun dictum 3 di e mocion, prome cu fin di aña escolar 2017/2018, casi school ta bolbe bay cuminsa y esaki no a pasa. Den cuadro di esaki Señora Arends-Reyes a entrega diahuebs mainta varios pregunta por escrito na Presidente di Parlamento pa e yega na Minister di Enseñansa sra Arends-Reyes ta termina bisando.

- Advertisement -

DUNA COMENTARIO

Please enter your comment!
Please enter your name here