Home Enseñanza Ta un responsabilidad di e studiante pa regla pakete di seguro prome...

Ta un responsabilidad di e studiante pa regla pakete di seguro prome cu sali for di Aruba

14
0
SHARE
- Advertisement -

Minister Lampe ta enfatiza:

ORANJESTAD (AAN) –Den conferencia di prensa di prensa, Minister di Enseñanza Rudy Lampe, a menciona den conferencia di prensa di gobierno, Dialuna, cu e aña aki ta e ultimo aña cu gobierno ta organiza un destaho publico, relaciona cu pakete di seguro medico, pa nos hobennan cu ta bay studia na Hulanda.

El a reitera cu mescos cu e studiantenan di Aruba cu ta bay sigui estudio na otro paisnan, entrante 1 di Januari 2019 nan lo por scoge e pakete di seguro di nan gusto, nan por busca via online, y cu prijsnan hopi competitivo.

E dignatario a indica cu gobierno kier brinda e libertad di escogencia aki na e mayornan y nan yiunan cu ta bay studia na Hulanda for di 2019.

Minister Lampe a subraya cu ta importante pa enfatiza cu e studiantenan mester ta asegura prome cu nan subi avion te ora nan bolbe Aruba.

El a anuncia tambe, cu tur compania di seguro interesa por cuminza prepara for di awor caba, e pakete cu nan ta bay ofrece na e studiantenan y nan mayornan, pa aña 2019.

Asina aki nan tin suficiente tempo pa prepara y haci nan oferta for di entrante 1 di Januari 2019. E mandatario a señala cu asina tambe ta cumpli cu e exigencianan huridico pa termina cu e relacion cu Insure to study di parti di pais Aruba.

E mandatario a menciona cu for di momento cu e gobierno na mando a sinta, a cuminza haci preparacionnan y finalmente a yega, despues di a ricibi diferente conseho huridico, na termina e relacion cu e compania di seguro menciona.

“Pasobra esey ta un deseo tambe di e votador, pa no continua cu un obligacion financiero di parti di gobierno cu Insure to Study, y e ora ey nos a tuma un decision rapido, y na Januari 2018 nos a informa e compania cu Pais Aruba ta termina e relacion di cooperacion cu nan, y for di entrante 1 januari 2019, tur studiante ta liber pa scoge e compania di seguro cu mas ta conveniente pa nan”, e mandatario ta reitera.

E mandatario a splica cu na final ta e studiantenan mes ta bay paga e aseguro aki como parti di nan Arubalening, pesey nan mester ta liber pa scoge cual compania nan ta prefera.

Pero minister Lampe kier a motiva e studiantenan pasobra ta iresponsable pa nan keda un dia mes sin seguro ora nan yega Hulanda of na cualkier otro pais. Segura nan mes ta un acto responsable pa nan mes y pa nan famia.

Den e ronda di pregunta e mandatario a contesta cual tabata e motibo principal pa cual a cancela e relacion cu Insure to Study. Por lesa al respecto den otro articulo.

- Advertisement -

DUNA COMENTARIO

Please enter your comment!
Please enter your name here