Home Comercio Taxistanan lo cuminsa cobra tarifa nobo entrante mañan

Taxistanan lo cuminsa cobra tarifa nobo entrante mañan

50
0
SHARE
- Advertisement -

ORANJESTAD(AAN): Vocero di Taxibond, Linda Orman, hunto cu demas taxistanan miembro durante un conferencia di prensa, a expresa nan mal contento con cos ta bayendo pa loke ta e lista di prijs, cual, segun acuerdonan, mester a aumenta entrante 1 di Januari 2018. Pero te asina leu, nada no a wordo haci. Segun Orman, despues di algun reunion cu minister Chris Romero, cual te ainda nan ta wardando un audiencia, a ricibi un yamada for di un funcionario, kende a avisa cu meste haci un encuesta cu turistanan pa mira si ta bay di acuerdo cu aumento di prijs, cual pa e taxistanan ta un hecho imposibel. Costo di bida ta subi y ta pa e motibo aki tambe, prijs di taxi tambe tin cu subi, pasobra nan tambe ta forma parti di comunidad.

No ta algo cu nan kier, sino algo cu nan merece. Semper a ahusta e prijs di tarifa, despues cu e costo a subi.

Sra. Orman a mustra cu por ehempel na 2005, a ahusta tarifa. Despues na 2007 BBO a drenta na vigor. Eynan caba e prijs no ta cuadra cu locual e aumentonan, e costonan di bida a subi. Na 2009, a keda pega cu e ex minister di gobierno anterior y minister actual den e gobernacion aki, Otmar Oduber. E kier duna cierto cos, pero di un otro banda kier kita cierto derechonan. E kier a kita derecho di cobra maleta, kier kita derecho di cobra nan Holiday Fair y esey no por. Ta un derecho adkiri caba y no por bin kit’e mas for di nan. E trancamento di lista a keda eynan y pesey a keda cu e lista di prijs aki te awor aki.

Pero mester cuminsa ahusta y mester haci’e for di awo padilanti, mirando e costo di bida cu ta bay sigui subi, pa nan por wanta e golpinan ey. Nada pa taxistanan no ta barata. For di nan entrada caba ta kita 6%, despues tur e otro cosnan cu ta encera cu nan trabao, paña, cuminda, seguro. Si bay paga cos na banco, otro 6% mas. E ta birando dimas.

A trece dilanti cu e taxistanan ta trahando demasiado ora pa logra sobrevivi. Mester di un aumento, mester un ahuste pa logra cu nan ta traha nan oranan normal y tin un bida social na cas. Esey tambe ta importante. Famianan no ta mira e taxistanan casi. Nan ta mas riba caya cu nan por diverti, pasa un rato ameno cu e famia. Trahando demasiado, e ta trece pa salud di e taxista, un atraso. Nan ta sinta mucho, ta mucho riba caminda, ta den solo constant, no tin chens pa come saludabel, ta saludabel, haci ehercisio, nada di eseynan. Mester ta constante riba caminda, pa logra make it, tur dia, cu e gastonan. Tin un aumento ta biniendo entrante 1 di Juli y e oficina di minister ta birando lomba pa taxistanan.

- Advertisement -

DUNA COMENTARIO

Please enter your comment!
Please enter your name here