Home Gobierno Tocante preocupacion encuanto materianan cu Repsol ta dump den nos awanan teritorial

Tocante preocupacion encuanto materianan cu Repsol ta dump den nos awanan teritorial

76
0
SHARE
- Advertisement -

RAIZ a entrega documento na Minister Presidente:

ORANJESTAD (AAN) – Partido RAIZ a entrega otro documento na Bestuurskantoor, y esaki ta na Prome Minister mr. Evelyn Wever-Croes.

E motibo di esaki ta e boramento di subsuelo door di Repsol. E lider di RAIZ sr. Ursell Arends a menciona cu despues cu nan a tuma nota y a studia e “Environmental, Social and Health Impact Assessment” cu Repsol a entrega gobierno, den e sumario ta indica claramente cu e compania ta bay dump cierto substancianan azeta sintetico den nos awanan. El a subraya cu ambos elemento no ta permiti pa nos leynan.

Arends a menciona cu tanto e Landsbesluit Petroleum y e articulo 5 di Petroleum Verordening di Aruba, ta papia claramente cu ningun desperdicio mag di wordo basha den nos areanan teritorial.

Den e carta entrega na Prome Minister, RAIZ ta dune un total di 48 ora pa contesta esaki y wak si enberdad gobierno a autoriza Repsoil pa tira esakinan den nos awanan teritorial, y si esey ta e caso cual di nos instancianan ta bezig ta controla y si esaki ta bayendo a base di ley.

Ursell Arends a señala cu tanto e besluit como e verordening cu Aruba tin ta esnan di mas estricto na mundo, pero si no tin control no por garantiza cu Repsol lo cumpli cune.

- Advertisement -

DUNA COMENTARIO

Please enter your comment!
Please enter your name here