Home Hudicial Trio envolvi den atraco arma ta keda encarcela

Trio envolvi den atraco arma ta keda encarcela

265
0
SHARE
????????????????????????????????????
- Advertisement -

Hues a rechaza defensa di abogado

ORANJESTAD  (AAN)  – E homer Venezolano R.M., e muher M.O. y e Chines homber J.I., a presenta dilanti Hues pa un caso di atraco arma riba un persona. E caso a bin dilanti pro forma y Fiscal a pidi pa pospone e caso te October 2018. Tabatin un debate entre abogado y Fiscal ora cu abogado a pidi pa laga e muher M.O. liber. Hues na final a dicidi cu ta rechaza e peticion.

    ATRACO ARMA:

E acusacion cu Fiscal a presenta den Corte contra e trio ta cu riba 24 Maart 2018, a saca arma di candela y dirigi esaki riba e persona. M.O. ta wordo sospecha di ta complice, planea y posecion di algo parecido na un arma di candela.

    ABOGADO A PIDI PA LAGA MUHER LIBER:

Mr. Bryson a representa abogado mr. Hart cu ta cu vacacion cu ta defende M.O. El a pidi Hues pa laga e sospechoso liber. E abogado a bisa cu M.O. tin 110 dia deteni. Segun e abogado, M.O. tabata sinta den e auto y no tabata sa cu R.M. ta bay horta un tas for di un dama. Na opinion di e abogado, ora esey a sosode tabata dificil pa M.O. aleha di esaki. E abogado a bisa Hues cu e motibo cu M.O. tabata den e auto ta pasobra el a bay hunto cu su amigo Chines J.L. pa bay cumpra cuminda.

Mr. Bryson a bisa Hues cu e arma tabata di M.O. pero R.M. a coy esaki sin cu M.O. tabata sa. E abogado a pidi Hues pa suspende e detencion di M.O. te dia di e caso na October 2018. E abogado a bisa Hues cu asina M.O. bay liber e lo haya trabou. El a mustra Hues cu tin carta di doño di trabou cu ta dispuesto pa tuma M.O. den servicio. Tambe e abogado a bisa cu M.O. lo bay biba bek serca su mama.

   FISCAL TA REACCIONA:

Fiscal a bisa Hues cu tin motibo di peso y no ta haya cu por laga M.O. liber. Fiscal tambe a bisa Hues cu J.L. a bisa cu e cu M.O. a bay di acuerdo pa bay cu R.M. pa haci e atraco arma. Fiscal a pidi Hues pa rechaza e peticion di abogado. Fiscal ta haya cu den e caso aki, motibonan personal no ta pisa mas cu e caso penal.

   DECISION DI HUES:

Hues a bisa cu atraco no ta desea ariba nos isla. Hues ta haya cu e caso penal ta pisa mas cu motibo personal.

Hues a sigui bisa cu lo ta duna un mal imagen den comunidad, si e laga M.O. liber awor. Hues ta haya cu si laga M.O. bay lo no duna un señal na otronan cu lo tin pensa di haci atraco. Hues a bisa cu M.O. ta keda sera te dia di e caso cu ta 5 October 2018 pa 10’or di mainta

- Advertisement -

DUNA COMENTARIO

Please enter your comment!
Please enter your name here