Home Gobierno Trudy Hassel a duna un relato tocante e controlnan realiza riba prostitucion...

Trudy Hassel a duna un relato tocante e controlnan realiza riba prostitucion ilegal

314
0
SHARE
- Advertisement -

“Animeermeisjes”  no mester para riba caminda publico of riba acera

ORANJESTAD (AAN) – Di KPA tabata presente den conferencia di prensa di gobierno, hunto cu Minister di Husticia mr. Andin Bikker, Trudy Hassel, funcionario di Imigracion.

Hassel a duna un relato di e suceso cu a tuma lugar den fin di siman, pasobra nan tabata activo no solamente Diabierna pero tambe den fin di siman, como Warda Nos Costa.

Hassel a indica cu for di momento cu e minister a dune e reto hunto cu sr. Matos pa nan forma e management team di IASA Y Warda Nos Costa, ambos a cuminza traha diligentemente riba varios asunto cu a keda pendiente.

Un di nan tabata e controlnan riba personanan indocumenta cu ta trahando riba nos Isla. Mediante un ciclo intenso di informacion y tips cu a drenta durante di varios siman, na dado momento a acumula un cantidad di esakinan y a dicidi cu ta e momento pa tene accionnan.

Un di nan tabata riba e tereno di prostitucion ilegal, unda no solamente tips a yega di drenta for di asociacion di bar na San Nicolas, pero tambe di otro areanan di nos Isla manera Oranjestad y e sector turistico.

Asina a tuma decision Diabierna anochi pa cuminza cu e diferente accionnan di control riba permisonan di e damanan cu ta eherce e ofishi aki.

Trudy Hassel a declara cu ora nan a yega na San Nicolas, e intencion tabata pa cuminza na otro area, pero ora nan a pasa den Caya Grandi na San Nicolas, nan a mira un grupo grandi di e damanan aki para riba via publico, y logicamente na e momentonan ey autoridad no por distingui afo ken ta un dama cu ta haci e trabao aki legalmente y cual ta haciendo e ilegalmente.

Hassel a trece dilanti tambe cu nos leynan ta prohibi pa e damanan aki ta bin riba caminda publico. Esaki ta nifica cu nan no por eherce e ofishi aki riba trotoir of rond di e establecimento pa cual nan tin un permiso pe.

Nan permiso ta bisa, specificamente, cu nan mester ta paden di e lugar. Pues, ora WNC a pasa y wak e damanan aki para pafo, a dicidi, conforme articulo 33 di e Landsverordening concerni, pa tene e control di biaha, locual nan a haci.

E funcionario policial a indica cu, lamentablemente, ora el a acerca un di e doñonan di establecimento pa e haya e lista di nombernan di e damanan cu tin permiso pa por controla debidamente, conforme ley el a wordo nenga y manda bay DIMAS.

El a bisa e doño di e lugar cu e ta obliga anto di transporta tur e personanan concerni pa Warda Nos Costa, y cu si nan tur tin permiso corectamente, nan lo wordo transporta bek pa nan lugar di trabao, locual a sosode tambe despues di control. WNC mes a hiba nan bek na nan lugar di trabao.

Diasabra a sigui cu nan accion na e otro parti di San Nicolas unda tambe nan a haya informacion cu tin personanan damanan cu ta haci e trabao menciona, y control a tuma lugar unda si e damanan a mustra e documentonan cu nan ta legal, contrario na e anochi anterior, y nan no a wordo deteni.

E siguiente anochi nan a haci control den centro di Oranjestad, na unda siete dama a wordo deteni pa prostitucion ilegal. Cu excepcion di dos persona, un cu nacionalidad Hulandes y otro residente na Curacao, e otronan cinco ta deteni na WNK pa nan deportacion.

E funcionario a subraya cu inicialmente e accion no tabata dirigi riba ningun bar en particular, pero en general, pa asina por controla si tin prostitucion ilegal y kico ta pasando.

- Advertisement -

DUNA COMENTARIO

Please enter your comment!
Please enter your name here