Home Comercio Tur e aumentonan caba y cobramento di sushi cu tarifa halto ta...

Tur e aumentonan caba y cobramento di sushi cu tarifa halto ta pisa pa e pueblo

334
0
SHARE
- Advertisement -

Randall Croes di KvK:

ORANJESTAD  (AAN): E suma cu ta bay cobra pa pikimento di sushi, segun Randall Croes di Camara di Comercio, y si mester bay cobra 80 miyon na impuesto extra, di 80 mil adulto cu ta traha, 70 mil local y 10 mil stranhero, ta nifica cu cada un di nan averahe, pero sacando afo loke cu pone den airport tax y loke turista lo paga cu lo alivia nos lo bira un peso financiero pisa riba e pueblo.  Pero bottom line ta cu e por sali 1000 florin pa cada persona adulto cu ta traha. Pa un famia cu tin 2 adulto, ta 2000 florin extra di impuesto. E ta bay ta pisa. Ta preveni tur hende pa cuida nan placa bon, pa maneha na presupuesto bon. Empresario mesun cos. E lo afecta benta. E impacto lo bay bira un reduccion di benta, muy posiblemente pasobra pueblo lo defende su cartera cu su debit card.

E lo bay reduci su gasto pa por afford, pasobra una bes cu un producto bay di wholesaler pa un retailer, e costo di e empresario lo subi ora e cumpre cu 2.5%, ora cu e cumpr’e for di mayorista. E lo hink’e riba su shelf pa publico, eynan lo bin e 2.5% di dje tambe, riba e factura. Ta 5% di impacto den prijs, si e pasa 2 schaal. Si e supermercado trece container direcamente di Merca, parkeer’e dilanti su porta y baha e producto, ta scapa un schaal.

Si ta tanto na economia y poblacion, ta pidi nan tur, maneha bo budget bon, maneha bo negoshi bon, cuida bo gastonan pa preserva bienestar, segun Randall Croes.

 

Gastonan di gobierno

E gastonan di gobierno ta hopi halto. E problema no ta cu pueblo ta pagando mucho poco belasting. E costo di gobierno ta hopi y tin cu bay baha gasto hopi mas agresivamente, mes agresivo cu a traha oranan largo pa diseña e pakete di impuesto aki. Ta spera di gobierno un comision cu lo traha oranan largo, cu minister ta bay ta hopi dificil pa por topa cun’e, pasobra ta trahando duro con pa logra baha gasto.

Den esey por tin diferente alternativa. Pa menciona uno cu a wordo aplica na Europa pa hopi tempo. Un hende cu ta trahando basta aña caba, ta bis’e cu e ta ganando 3500 florin y si bay haya trabao den sector priva, ta dun’e 200 florin pa luna, y no ta worry unda cu e lo bay traha. Si e haya un otro trabao, ta baha e salario na 2000, y por conta riba e placa ey te dia cu baha cu pensioen. Pero si sali for di payroll, e gastonan di pensioen ta baha na gobierno, gasto di salario ta baha como gobierno. E departamento tin menos lessenaar, menos hende pa gasta, menos telefon, menos coriente y por yega na un reduccion. Si 100 hende haci uzo di esey ya bo tin 200 mil florin pa luna y den cinco luna por yega na spaar.

Tin cu papia cu sindicato y expertonan pa wak con ta yega na ideanan creativo, baha gasto na consumo di coriente, laga e edificionan ta mas eficiente, reduci esey tambe, e footprint financiero di infrastructura di e gobierno.

- Advertisement -

DUNA COMENTARIO

Please enter your comment!
Please enter your name here