Home Gobierno Tur proyecto ta bonbini semper y cuando nan ta cumpli cu ley...

Tur proyecto ta bonbini semper y cuando nan ta cumpli cu ley y reglanan

72
0
SHARE
- Advertisement -

Minister Oduber di Infrastructura y Medio Ambiente:

ORANJESTAD (AAN); Recientemente a tuma nota di imagennan cu ta circula den medionan social y prensa relaciona cu trabaonan di construccion cu lo ta tumando luga na costa di Savaneta cu ta encera posibel desaroyo pa atraccion turistico.

E imagennan aki a lanta hopi pregunta y preocupacion den comunidad cu ta preocupa pa destruccion di nos naturalesa. Pa locual ta encera preguntanan y preocupacionna di kico lo sosode cu e proyecto na Savaneta na e momentonan aki, mester informa cu contrario na e publicacionnan cu ta mira den medionan social y prensa, no tin trabao tumando lugar na e lugar na e momentonan aki. q

DOW ta informa cu e proyecto / trabaonan ta para y tur locual cu tin construi na elugar ta para for di 2016/2017 caba.

A pidi cooperacion di e desaroyadornan kendenan a coopera y a para nan operacion. Departamentonan di DOW y DIP a bay controla esaki un bes mas despues cu video y imagennan a cuminsa circula. E situacion ta, cu e desaroyador a haya algun permiso anteriormente y a base di esaki nan a incia cu trabaonan di contruccion ‘vooruitloopig’ prome cu nan a haya tur nan documentonan pa cual a mustranan cu esaki no por.

Primordialmente pa motibo cu tin estudionan di impacto riba medio ambiente cu mester tuma lugar y cual mester ricibi conseho di esaki. Considerando e proteccion cu tin y cu kier brinda pa diferente area rond Aruba mester mira e impacto cu cualkier desaroyo por tin prome cu duna cualkier tipo di acuerdo pa tipo di desaroyonan asina, Minister Otmar Oduber a segura.

Pais Aruba por ta sigur cu desde November cu Gabinete Wever – Croes a asumi e responsabilidad por a nota un cambio hopi grandi pa locual ta trata maneho. E balansa cu tincu worde crea den desaroyo economico infrastructural di Aruba ta bay man den man, cu proteccion di nos medio ambiente. A ancra esaki den diferente acuerdonan, a percura pa diferente institutonan worde lanta back y ta sigui conseho di institutonan concerni riba diferente proyectonan. Tur na Bienestar di nos Pais Aruba.

- Advertisement -

DUNA COMENTARIO

Please enter your comment!
Please enter your name here