Home Turismo Turista a keda 3 siman sin usa V-auto na Aruba y a...

Turista a keda 3 siman sin usa V-auto na Aruba y a spaar hopi door di core den Taxi

564
0
SHARE
- Advertisement -

ORANJESTAD (AAN): E siman aki, DIARIO a tuma nota di un relato cu un turista procedente di Ohio (Merca) a skirbi riba Social Media, di su viahe di 3 siman largo na Aruba.

Nan ta doño di Timeshare na Aruba, y nan bishita di 8 di Juni te cu 29 di Juni recientemente, a marca nan di 10 aña bishitando Aruba.  Nan a bin cu nan yiunan, y amigonan di nan yiunan.

Nan estadia na Costa Linda tabata fenomenal, y no obstante algun siman tabatin hopi nubia y awacero, toch esaki no a molestia nan, y a goza di nan vakantie na Aruba.

Nan a ripara cu awor tin mas rotonde cu nunca na Aruba, y tur caminda por mira e baricadanan color oranje cu ta guia trafico pa pasa den zonanan di construccion.

Loke a hala atencion, ta e hecho cu e pareha turista a revela cu esaki a bira nan prome aña cu nan a dicidi pa no huur V-auto pa e tres siman aki.

Y e resultado?  Nan a keda hopi satisfecho cu e decision.  E biaha aki nan a usa servicio di Taxi, como tambe e Shuttle di Alhambra pa move di un lugar pa otro.

Usando Taxi y esakinan, y pagando hasta tip, nan a spaar exactamente 49%, compara cu e prijs cu nan mester a paga si acaso a huur un vehiculo pa tres siman.

Aunke hopi hende lo bisa cu Taxi na Aruba ta caro, toch bo ta mira aki cu un famia a goza pa tres siman largo riba e isla, coriendo rond cu Taxi, y a spaar hopi placa den e proceso.

Pesey mes cu e placa cu nan a spaar, e biaha aki, nan a haci mucho mas excursion cu normal nan a haci den 10 aña.  Tambe a bishita varios restaurant nobo, y tambe cumpra hopi prenda di Aruba Hands Jewelry.

- Advertisement -

DUNA COMENTARIO

Please enter your comment!
Please enter your name here