Turistanan cu tin costumber di bishita Aruba ta expresando riba Internet nan disgusto cu BBO a subi

ORANJESTAD (AAN): Den fin di siman, DIARIO a tuma nota cu algun turista cu ta return-visitors pa Aruba, a expresa nan disgusto cu e belasting di BBO a subi riba e isla.

Esey a pasa, ora cu nan a bin ricibi email di compania di Car Rental na Aruba, cu a indica cu Gobierno a hisa belasting di 3% pa 6% riba Autonan di Huur.

Mesora nan a subi riba Internet pa expresa nan disgusto.  Y ta hopi turista a sigui expresa nan sorpresa, y vocifera nan opinion riba e asunto aki.

Lo peor ora a bira conoci, cu e biahe di Taxi for di Aeropuerto Internacional Reina Beatrix te na hotelnan di High Rise, a subi di $25 y a bira awor $31.