Home Comentario United Farmers Aruba kier logra di uni tur cunukero na Aruba

United Farmers Aruba kier logra di uni tur cunukero na Aruba

104
0
SHARE
- Advertisement -

Gregorio Fung-a-Fat:

ORANJESTAD (AAN) — Gregory Fung-a-Fat, miembro di “United Farmers Aruba” a elabora den entrevista cu nos redaccion, tocante nan meta pa yuda e agricultura na Aruba, crece.

E idea a bin ora cu a wak cu no tin un organizacion pa acudi na dje ora tin preguntanan. A cuminza papia cu otro cunukeronan pa wak con por yega na algo pa beneficia esnan cu ta chikito. Januari ultimo, tabatin un tayer di trabao, cu a tuma lugar organiza pa e departamento di Asunto Economico “Iniciativa pa Desaroyo Economico Aruba” (IDEA).

A sinta na mesa y papia pa lunanan, pero nada no tabata wordo haci. A sugeri e ora ey pa cuminza cu algo chikito y a inicia, e ora ey, cu un asociacion. Awor ta buscando pa haya miembro. Cada persona tin un angulo diferente con pa trata e problemanan cu agricultura tin y cu por aporta na esaki.

Segun Fung-a-Fat, e meta principal ta pa tin un aanspreekpunt pa Gobierno. Un asociacion semper tin mas influencia ora di papia cu Santa Rosa of cu un Minister unda e puntonan ta bira mas agresivo. E asociacion ta activo riba Facebook y diadomingo awor nan lo ta na Bario Fest na Centro di Bario Savaneta. Tambe nan ta pidi donacion pa asina por crea un fondo y realiza diferente meta di acuerdo cu nan vision y asina pueblo por conoce loke nan ta purba haci. Nan tin un vision di uni tur e cunukeronan y asina wak con por traha hunto.

- Advertisement -

DUNA COMENTARIO

Please enter your comment!
Please enter your name here