Home Labor UPA a manda pidi Referendum cerca Mediador

UPA a manda pidi Referendum cerca Mediador

30
0
SHARE
- Advertisement -

Pa Departamento di Operations Astec

ORANJESTAD (AAN): Na e compania Astec, di e trahadornan cu ta labora riba Waf di Barcadera, tin 2 Sindicato cu ta representa e trahadornan.  Ta trata di Sindicato UPA y tambe Sindicato STA.

Pero un desaroyo cu a bin ta presenta su mes ultimo luna na Astec, ta cu hopi trahador a bin ta bandonando Sindicato STA. Nan ta haciendo esey, pasobra atravez di aña nan a realiza cu awor cu nan ta cu STA, nan mes a bay como 60 porciento atras, tanto cu nan beneficionan personal y tambe atras den aumento.

A ser splica na DIARIO, cu varios biaha e trahadornan miembro tabata tratando di contact e dirigente di STA, pero sin resultado.

Ultimo lunanan esaki a bin ta manifestando mas.  Pesey e otro Sindicato, esta UPA a bin haya hopi peticion di e trahadornan cu ta cay bao di STA, cu awor nan kier bay bek cerca UPA.

Trahadornan ta lamenta, cu desde cu STA a drenta, cu nan a perde un di e clausulanan cu semper nan tabata proud di dje den nan CAO.

Sindicato UPA semper tabata orguyoso di tabatin Articulo #4 den nan CAO cu Astec.  Pa nan malasuerte, ora cu Sindicato STA a cuminza negocia e CAO, pa motibonan ainda incomprendible, STA a dicidi na acepta y a laga Astec bari e Articulo #4 for di mesa.  Articulo #4 a wordo elimina, danki na STA.

E asunto aki cu STA a kita e Articulo #4 aki, ta cay masha duro mes cerca e trahadornan.  Pero gerencia di Astec a keda contento cu e eliminacion.

Pesey awor e trahadornan di Astec a bin ta ripara kico ta pasando, y nan ta bandonando STA.

Sindicato UPA mes ta adverti tur trahadornan di companianan grandi na Aruba y cu a “cay den trampa di STA”, pa nan habri wowo!  Ya caba e trahadornan di APA a fada y saca STA afo, y awor Astec ta siguiendo e paso ey.   Pues miembronan di STA tin di tne cuidao. Varios lugar e dirigente di STA ta sweet talk nan, y na final sin resultado.

DIARIO a haya sa cu e siman aki, UPA a manda pidi Mediador pa cuminza cu e proceso pa referendum.  Esaki ta un caminda di 4 siman.  Pasobra hopi ex-miembro di STA lo kier bay bek den UPA, pues ‘bin cas bek’.

- Advertisement -

DUNA COMENTARIO

Please enter your comment!
Please enter your name here