Home Deporte International Ven Eman/Trevor Eman: Team Aruba nunca ta mezcla drag racing cu...

Ven Eman/Trevor Eman: Team Aruba nunca ta mezcla drag racing cu politica

255
0
SHARE
- Advertisement -

E $150,000 anual di ATA, Team Aruba ta uza pa mercadeo di Aruba

ORANJESTAD  (AAN): Diamars atardi Team Aruba, e ekipo di drag race encabeza pa Ven Eman y Trevor Eman, a tene un conferencia di prensa, relaciona entre otro cu e rumornan cu ta core cu Gobierno lo tin pensa di para e sponsoring cu e Team aki ta ricibi for di ATA, pa core caredanan di Drag Race na Merca.

Trevor Eman durante e conferencia di prensa a splica cu  Team Aruba ta participa den caredanan di drag race profesional na Merca pa casi 15 aña caba, cu un

auto di careda cargando e nomber y brand www.aruba.com.

“Recientemente por a nota publicacionnan unda cu ta cuestiona e trabaonan di Team Aruba y

e parti financiero cu ta bay su tras”

“A bay asina leu di insinua cu lo pone un stop na e

programa aki (den media nan di red social y corant)”.

E ta un hecho cu Aruba ta depende riba mercadeo di su producto na Merca, cu ta algo cu Team

Aruba ta haci hopi bon y cu hopi exito, introduciendo hopi hende di e mundo di drag race cu

e producto Aruba”.

Esaki segun Eman, kende a sigui bisa cu Team Aruba ta ricibi anualmente $150,000 pa participa den 8 – 10 careda pa aña y pa forma parti di 3 pa 5 displays y conventions, cargando branding di Aruba riba tur cos; auto

di careda, trailer, pit awning, uniform etc etc.

Na careda nan, Ven, Trevor y demas ‘crew

Members’ ta papia cu fanaticonan di drag race tocante Aruba y tur locual nan ta desea di sa di Aruba. “Combersando cu e fanatico nan riba e nivel personal “one-on-one” so caba, ta duna tremendo resultado”.

“Ken mihor pa bende e producto Aruba, cu un Arubiano mes”.

E esfuerso nan y trabao nan cu Team Aruba ta eherce, cual tambe por mira riba e potretnan, ta duna un Return On Investment marketing value di alrededor di $1.5 miyon cada aña”, segun Eman.

“Es decir, ATA ta inverti $150,000 y ta ricibi un return di $1.500.000”.

“Haciendo esaki pa casi 15 aña ta nifica cu Aruba a ricibi un return on investment di mas di $20,000,000

(20 miyon dollar)”.

“Esaki segun Eman, kende a indica cu Team Aruba na ningun momento a wordo notifica oficialmente cu e programa ta yega su fin, despues cu e Board di ATA mes a duna aprobacion y conseho positivo pa sigui cu e programa”.

“Nos no por bay a base di noticia nan expresa den social media”.

“Cu esaki Team Aruba kier anuncia cu ta sigui cu preparacion nan pa continuacion di e

programa, como cu e auto nobo a keda cla y tambe cu Team Aruba, hunto cu 9 otro

Mountain Motor Pro Stock a ricibi invitacion pa un exhibition race na e famoso NHRA US Nationals”.

Trevor Eman a splica cu esaki ta e careda di mas grandi, popular y historico den henter mundo pa cu drag racing. “Sigur un di e logro-nan di mas grandi cu Team Aruba lo realiza, unda cu Team Aruba cu orguyo lo carga Aruba durante e evento aki”.

Nos ta gradici Aruba Tourism Authority y e Board di ATA pa nan confianza y sosten den Team Aruba y ta conta cu nan apoyo pa cu e futuro di e programa”, Eman a bisa.

Ven Eman a trece dilanti cu nunca el a mezcla Drag Racing cu politica y nunca e lo hasi esaki.

El a splica cu te cu recientemente e tabata tin un bon combersacion cu Minister di Turismo y Deporte Dangui Oduber, kende a dune algun opdracht pa hasi, pa cos bay mas facil.

Eman a hasi esakinan y Oduber a garantise cu lo no tin ningun politica den esaki.

Diripiente un hende lo a pone algo riba internet, cu a pone cu aparentemente cos lo por a cambia.

Pero Eman a indica si cu e team no a wordo informa na ningun momento cu e sponsoring lo para.

El a bisa tambe cu e ta lamenta cu ultimo dianan ki ta wordo bisa cu ta pica cu e placa di sponsoring di Team Aruba ta bay Merca y cu e no ta wordo uza por ehempel pa yuda Palo Marga.

“E placa no por bay ningun otro caminda, e placa no por bay pa un veld di baseball of  Palo Marga”.

“E placa ta destina pa marketing di Aruba na Merca”.

Esaki segun Ven Eman.

Trevor Eman a splica cu e placa cu nan ta haya no ta bon for di e belasting cu un ciudadano na aruba ta paga.

E ta placa cu ta bin for di Room tax di hotel.

Ven Eman a splica cu Palo Marga tin mester di yudanza, pero no cash.

“Palo Marga mester di trabao y un comision cu ta bay traha”.

“No busca excuse pa critica Team Aruba contra Palo Marga”.

“Na ningun momento nos ta stroba Palo Marga”, segun Ven Eman.

Trevor Eman a bisa cu ta net lo contrario, pasobra na Merca ora cu e fanaticonan Mericano papia cu Team Aruba y puntra tocante di drag racing, Team Aruba ta papia di Palo Marga.

- Advertisement -

DUNA COMENTARIO

Please enter your comment!
Please enter your name here