Home Comercio WEB lo bay usa un Fuel Oil premium cu menos sulfur pero...

WEB lo bay usa un Fuel Oil premium cu menos sulfur pero lo ta mas costoso

141
0
SHARE
- Advertisement -

Pa alivia problema na Barcadera

ORANJESTAD (AAN): Pa awe Diaranzon mainta, WEB Aruba NV tin planea pa tene un conferencia di prensa urgente pa anuncia kico nan lo bay haci pa alivia e problema di holor toxico riba Waf di Barcadera.

Pero tin indicacion, cu e solucion aki lo pone nan bay paga como 7% riba bari cu cambio di fuel oil na e compania.

E huma saliendo di WEB cu ta afectando e funcionamento riba Waf di Barcadera. Un situacion cu ta afectando comercio, operacion di waf di container y tambe birando un problema pa barconan cu mester pasa laga container.

Tambe tin e grupo di trucknan cu ta lastra container cu ta sufriendo masha hopi mes cu e problema. WEB mester tin un conferencia di prensa diaranzon mainta 11or riba un actividad.

Pero a cambia e tema mesora y ta pone esaki 10:30 pa asina splica e comunidad con nan lo ataka e problema existente. Algun dia pasa caba e director di WEB a splica nos mesa di redaccion cu e fuel oil cu nan ta usando a mesun cu 80 aña pasa. Gobierno a cay aden pasobra na diferente occasion keho di ASTEC y otronan trahando na Waf di Barcadera ta yegando cerca nan. A tene reunion y a priminti pa traha riba un solucion, incluyendo instalacion di filter etc pa e huma cu ta sali via e gas-stacks.

E solucion no tey ainda pero mientrastanto a mira diferente protesta na Barcadera cerca e trahadornan di ASTEC, Truck Drivernan y diamars mainta hasta Douane. Minister Xiomara Maduro a bay te na ASTEC pa sinta cu nan y tambe director di Douane y SADA tabata presente.

Despues di e reunion a dicidi cu ta trahando riba e solucion di parti di WEB. E solucion ta cambio di fuel oil den 8 siman. Kiermen asina cu e Fuel Oil actual termina lo cuminsa usa of lo switch riba un fuel oil di mihor calidad cu menos sulfur.

Esey nifica tambe cu mester paga mas pa bari di fuel oil. Ta papia di un aumento di 7% riba cada bari di Fuel Oil di mihor calidad cu menos sulfur. Cu esaki lo baha e molester actual di e gas cu ta afectando operacion na Waf di Barcadera.

Haciendo un calculacion, si e bari costa por ehempel 60 Dollar pa bari, cu e fuel oil nobo nifica cu mester paga algo mas cu 64 Dollar pa bari. Kico esaki lo nifica pa e operacion di WEB y prijs di awa y coriente ta algo cu WEB mester splica of contesta den e conferencia di prensa yama cu caracter di urgencia. Asina mes WEB ta trahando duro pa asina baha e cantidad di uso di fuel oil y usa sistemanan alternativo y limpi pa produci coriente.

E proceso aki ta bay dura largo. Mescos ta worde menciona cu mester pone cierto filter tambe pa mengua e pollution cu ta bay den aire y cu ta causa molester na waf di Barcadera. Diaranzon mainta nos redaccion lo tey pa 10:30 na WEB y asina haya sa exactamente Asina cu nos fuente den WEB sigui informa nos, lo keda informa tambe e comunidad di Aruba cu kizas na final mester carga e gastonan hunto cu comercio.

- Advertisement -

DUNA COMENTARIO

Please enter your comment!
Please enter your name here