Home Gobierno WEB ta den combersacion cu RdA pa cambia contrato cu e supplier

WEB ta den combersacion cu RdA pa cambia contrato cu e supplier

44
0
SHARE
- Advertisement -

Pa un siguiente carga di fuel oil cu menos sulfur

ORANJESTAD (AAN)—Den conferencia di prensa yama pa WEB Aruba NV, hunto cu Minister Xiomara Ruiz-Maduro, relaciona cu e situacion di huma produci den e proceso di produccion di awa potable y coriente, e CEO sr. Luis Oduber a duna di conoce cu el a reuni tambe cu funcionarionan di Refineria di Aruba.

El a reuni Diaranzon mes, prome cu e conferencia di prensa aki, cu RdA cu ta bay haci un yamada tambe na e supplier, cu cual tin un contrato di dos aña pa e fuel actual.

Nan ta bay wak con nan ta bay cambia e contrato, pa en todo caso e siguiente cargamento cu lo yega Aruba entre 16 cu 18 di Augustus, lo tin un concentracion mas abao di sulfur, y pa e momentonan ey ta bay tin un duracion di tres pa cuater dia prome cu cuminza sinti e efecto di e cargamento di fuel cu menos sulfur na WEB y consecuentemente, den e area di ASTEC.

El a reitera cu lo midi aire y biento mas continuamente ya cu antes tabata wordo haci esporadicamente na April y na December cu tin mas biento. Actualmente, den e luna di luna no tin resultado cu midimento a tuma lugar, pero nan ta bay pone un aparato pa hacie di manera continuo, durante alomenos un aña, y posiblemente despues tambe pa keda monitorea e progreso cu nan ta bay ta logrando.

Na termino mediano nan ta evaluando un instalacion nobo di motornan recipe, y na momento cu esaki ta cla nan lo bay over na switch e boilernan cu ta causante mayor di e huma cu ta sali for di e pipanan, y esaki ta bay reduci grandemente.

E proyecto aki tin un duracion di mas of menos un aña y mey, y nan ta bezig den tramite y ta spera cu den e siguiente lunanan lo firma contrato, y di entre 12 cu 14 luna despues, e motornan lo por bay den servicio pa asina nan tin un mihor resultado cu e boilernan actual. En todo caso lo reduci e huma drasticamente, y esaki lo resulta den eficiencia di e produccion y e consumo di fuel oil lo baha na mas of menos 800 pa 850 bari adicionalmente. Esaki ta pas den WEB su plan estrategico na termino corto y largo. Na termino largo combersacionnan ta tumando lugar y e intencion ta pa bay na gas natural. Nan ta trahando riba e posibilidadnan pa trece e producto aki na Aruba, mas pronto posible, di manera cu e huma ta bay disparce y e problema lo keda pa pasado.

Importante ta pa den e siguiente dianan, con WEB na largo plazo lo por carga e gastonan imprevisto di fuel oil, y nan ta pendiente di e costonan relaciona cu esey y den e siguiente lunanan lo trece claridad pa nan tuma un decision corecto.

 

- Advertisement -

DUNA COMENTARIO

Please enter your comment!
Please enter your name here