Home General Ya por tramita e Paspoort nobo di Colombia na e Consulado

Ya por tramita e Paspoort nobo di Colombia na e Consulado

63
0
SHARE
- Advertisement -

Consul di Colombia Mirza Gnecco Plà ta informa:

ORANJESTAD (AAN) – Den conferencia di prensa yama pa sra. Mirza Gnecco Plà, Consul General di Republica di Colombia na Aruba, el a elabora tambe tocante e passport nobo Colombiano, cu for di entrante 15 di Juli a cuminza wordo expedi den e Consulado di Colombia.

Sra. Gnecco Plà a anuncia cu esnan cu ta desea por bin tramita nan paspoort aki, sinembargo e no ta algo obligatorio.

“Principalmente, e informacion aki locual ta pretende, ta transmiti cu no ta necesario cu e personanan cu tin e passport cu zona di lectura mecanico, of e paspoort di chip, tramita e passport nobo. Pero esnan cu ta desea lo por hacie”, Sra. Mirza Gnecco Plà a subraya.

E paspoort nobo aki tin e mesun costo cu actualmente e paspoortnan Colombiano tin den exterior. El a reitera cu no ta necesario pa e personanan cu tin nan paspoort vigente tramita esun nobo.

Locual e documento nobo aki tin ta cu e ta ahusta cada bez mas na e standardnan exigi internacionalmente, y su condicionnan di seguridad ta hopi superior na e paspoortnan expedi anteriormente.

“Basicamente, loke ta wordo haci ta reforza e datonan di seguridad di e instrumento aki pa e autoridadnan di imigracion y pa ahusta nos mes na e standardnan internacional den e materia”, sra. Gnecco Plà a indica.

E tres rekisitonan basico pa tramita un passport ta: Cedula di ciudadania, passport anterior, pago na banco. E tramite den e consulado ta dura diez minuut den e Oficina Consultar, y ta tarda pa yega no mas cu siete dia.

E dama a indica cu segun datonan di Censo di Aruba, tin cerca di 15 mil ciudadano Colombiano registra, cu ta residencia den e Isla. Esaki ta e ultimo dato oficial cu e Consulado tin.

El a splica ademas, contestando un pregunta di prensa, cu e politica exterior di Colombia tin hopi presente e ciudadanonan Colombiano residente den exterior y specialmente den e administracion di dra. Maria Angela Olguin, e oficinanan Colombiano a expande den e exterior a pretende y ta logrando, un mayor contacto cu nan comunidadnan y cada bez ta brinda mas, mihor y mas eficiente servicionan na e ciudadanonan Colombiano biba den exterior.

- Advertisement -

DUNA COMENTARIO

Please enter your comment!
Please enter your name here