Home General Abuso di mucha exponi riba rednan social

Abuso di mucha exponi riba rednan social

19
0
SHARE
- Advertisement -

Haya sa unda por raporta cualkier caso

ORANJESTAD (AAN) – Recientemente a tuma nota di un video cu ta pasa via medionan social caminda un mama ta maltrata su yiunan. No ta prome biaha cu tin videonan asina ta circula riba rednan social.

Taskforce di Reino encarga cu Derecho di Mucha ta urgi pa na momento cu cualke ciudadano ricibi un tipo di mensahe of video asina, no sigui comparti’e. Maltrato di mucha ta socialmente inaceptabel. Di acuerdo cu e Tratado Internacional pa Derecho di Mucha, muchanan mester por crece sigur y wordo proteha contra tur forma di abuso di mucha.

Ta conseha pa averigua,si por, procedencia di un video asina. Si e ta origina na bo pais, meld esaki na polis. Si e ta origina den exterior ‘delete’ e video y no sigui comparti’e.

E videonan aki ta causa hopi daño na e mucha(nan) cu ta victima den e video. Ademas nan ta causa sensacion, ta hala atencion pa actonan negativo i ta causa consternacion di forma innecesario. Algun hende por hasta bira malo y ex victimanan por bolbe rebiba abuso cu nan a experencia. Videonan asina no tin ningun balor agrega. No tin ningun motibo cu ta hustifica maltrato ni violencia.

Si den bo bisindario of famia bo ta na altura di practicanan di maltrato cu ta tuma luga, ta bon pa tuma conseho y/of meld esaki.

Na Korsow: Advies en Meldpunt Kindermishandeling

Tel.: + 5999 561 44 44

E-mail: info@kinderbescherming.org

Adres: Passaatstraat 8


Centraal Meldpunt Kindermishandeling

Tel: +5999 461 65 00

E- mail: cmk@voogdijraadcur.net

Adrès: Waaigat no 1

 

Na Aruba:  Bureau Sostenemi

Tel.: +297 588 10 10

E-mail: sostenemi@aruba.gov.aw

Adrès: Tanki Flip 53-A

 

Na Boneiro:  Jeugdzorg en Gezinsvoogdij Bonaire

Tel.: +599 715 72 01

E-mail: info.jeugdzorgcn@jeugdzorgcn.com

Adrès: Kaya Princes Marie 7

 

Na St. Maarten:  Court of Guardianship/Voogdijraad Sint Maarten

Tel.: + 1 721 542 41 10

E-mail: voogdijraadsxm@gmail.com

Adrès: W.G. Buncamper Road 33

 

Na St. Eustatius: Center forYouthand Family

Tel.: + 599 3 18 32 71 / + 599 3 18 32 72

E-mail: info.cjgstatia@jeugdzorgcn.com

Adrès: Fort Oranjestraat

- Advertisement -

DUNA COMENTARIO

Please enter your comment!
Please enter your name here