Home Social Abuso di mucha homber tambe ta un situacion preocupante na Aruba

Abuso di mucha homber tambe ta un situacion preocupante na Aruba

80
0
SHARE
- Advertisement -

Diahuebs awor na MFA Paradera Charla “Boys Don’t Cry: Abuso sexual di Mucha Homber”

ORANJESTAD  (AAN): Yanelis Botman Jimenez ta preventie medewerkster di Fundacion Respetami y den entrevista e ta splica cu abuso di mucha homber tambe ta un situacion preocupante.

E aña aki nan ta poniendo enfasis riba abuso sexual di mucha homber. Mucha homber ta un grupo vulnerable cu tambe ta wordo abusa sexualmente.

Hopi biaha pa motibo di berguensa of miedo nan ta dicidi di no raporta e abuso. Segun e raport di Unicef, globalmente a indica cu un di cada cuater mucha muhe y un di cada seis mucha homber ta wordo abusa sexualmente. P’esey mes a trece e charla “Boys Don’t Cry: Abuso Sexual di Mucha Homber” na unda nan ta dirigi e charla aki pa mucha y hoben, especialmente e grupo di hende homber.

A logra bay diferente scol na Aruba cu e teamnan aki. Nan ta indica kico ta abuso sexual di mucha. Nan ta splica con sigur un yiu ta den famia na unda ta mustra cu muchanan por wordo abusa sexualmente pa familiarnan.

Nan ta mustra e sintomanan di abuso como tambe duna tips na muchanan y mayornan pa yuda preveni. Semper ta indica e departamento adecua pa raporta e abusa. Den e caso aki, Bureau Sostenemi.

Ta importante pa siña un mucha cu ningun hende mag di mishi cu su curpa y semper raporta e abuso.

E charla lo tuma na na MFA Paradera riba diahuebs, 9 di Augustus. E charla ta pa henter comunidad di Aruba y lo wordo duna door di Sr. Raymond Maxwell. E ta completamente gratis.

E ta cuminsa for di 6’or di atardi pa 8’or di anochi. Ta bay tin booklets informativo na Papiamento tocante abuso sexual di mucha.

 

- Advertisement -

DUNA COMENTARIO

Please enter your comment!
Please enter your name here