Home Policial Accidente cu detencion na Bubali

Accidente cu detencion na Bubali

140
0
SHARE
- Advertisement -

ORANJESTAD   (AAN): Diasabra, algo pasa di 11’or y 45, ta sosode un accidente basta fuerte na crusada di Yami Yami na Bubali. Un agene policial bayendo trabao, a bin topa cu e accidente aki y di biaha a avisa central pa asina tuma e proceduranan necesario.

Polis di trafico y di Noord a yega pa asina cera caminda pa por haci nan investigacion. Aparentemente un dama chauffeur manehando un Hyundai Accent color shinishi, biniendo for di p’ariba bayendo, a dal den un pickup Mazda color blanco cu tabata biniendo for di p’abou, ora cu el a bay lora na su man robes sin paga tino cu tabata tin auto ta biniendo for di p’ariba, cu e consecuencia ya conoci.

Daño material ta grandi. A pidi pa transportwagen, mirando cu na momento polis a bay atende cu e chauffeur di e pickup, nan a nota cu e tabata bao di influencia di alcohol y ta trece trafico na peliger. A pid pa un transportwagen pa asina transporta e homber aki pa warda di Shaba.

Un dama kende tabata pasahero den e Accent a keda herida, y despues cu ambulance a yega, a dun’e asistencia medico. E dama a ricibi sla na su cabes. No ta conoci si a hib’e hospital despues pa tratamento medico avansa.

 

- Advertisement -

DUNA COMENTARIO

Please enter your comment!
Please enter your name here