ORANJESTAD(AAN): — Diaranzon marduga den careda di 4 or a sosode un accidente riba e rotonde Las Americas. Mientras polis tabata atende un chauffeur di un auto cu a ranca un borchi di trafico y tumando datos, a sosode un otro accidente dilanti wowo di e polisnan.
Ta trata di un chauffeur masculino pleitando cu su pareha den auto cu a bin mucho duro riba L.G Smith Boulevard bayendo direccion Zuid y no a paga tino cu e rotonde y a subi e rotonde pas’e voorbij y hera dal contra auto di polis cu tabata para cu zwaailicht cendi.
Mesora polisnan a bay atende cu e chauffeur cu a resulta di ta bou influencia di alcohol.
A deten’e y a pidi pa transporte pa warda.
E accidente aki por a causa su morto mirando cu e por a dal frontal na e matanan di coco riba e Rotonde cu velocidad halto.
