Home Enseñanza Acuerdo na caminda pa introduci estudio academico den tecnologia

Acuerdo na caminda pa introduci estudio academico den tecnologia

91
0
SHARE
- Advertisement -

U.A lo conta cu Universidad di Leuven:

ORANJESTAD (AAN) — Tur aña tin studiantenan cu ta caba nan estudio na scol avanza, y ta scoge pa sigui nan estudionan universitario den exterior.

Esaki ta debi cu no ta tur studiante kier sigui nan estudio academico na Aruba.

Den entrevista cu sr.mr Glenn Thode, rector di Universidad di Aruba, el a elabora al respecto.

Sr. mr. Thode ta splica cu no ta tur studiante kier sigui e estudionan cu Universidad ta ofrece. Esaki ta haci’e un situacion fastioso pa e studiantenan cu kier keda na Aruba.

A cuminza pa expande e posibilidadnan di estudio. Tin proyecto cu Universidad ta trahando hopi aña riba dje pa expande y bay den e areanan di tecnologia. Universidad di Aruba a drenta den colaboracion cu Universidad di Leuven, considera como un di e universidadnan mas avanza na Europa riba e tereno aki. Conhuntamente cu Universidad di Leuven lo diseña un proyecto den cual lo introduci e disciplinanan tecnologico.

Pero esaki lo wordo acerca di un forma diferente cu locual universidadnan den exterior tin custumber di haci. E idea ta pa mustra con pa uza tecnologia pa adapta e sociedad na bira uno cu ta enfoca mas riba sostenibilidad. Firmamento di un acuerdo di financiamento cu Europa, lo tuma luga e fin di aña aki, si tur cos cana riba bon caminda. Asina lo ta cla pa desaroya e disciplinanan nobo aki. Esaki ta pa e studiantenan cu kier keda na Aruba y kier eherce un estudio den tecnologia pa yuda nan pais pa bira un comunidad mas moderno y sostenible.

Segun mr. Thode, lo trata di un “Bachelor Program” y despues lo sigui cu un “Master’s Program”. Cu ayudo di disciplinanan di Universidad di Leuven, nan ta trahando riba e trayecto di PhD. Pronto lo capacita Universidad di Aruba pa poco, poco traha riba e trayecto pa forma e linea di disciplina di desaroyo aki pa studiantenan local.

 

 

- Advertisement -

DUNA COMENTARIO

Please enter your comment!
Please enter your name here