Home Social Advies di UNICEF ta hopi importante pa yuda concretiza e Crisis Plan...

Advies di UNICEF ta hopi importante pa yuda concretiza e Crisis Plan Social

10
0
SHARE
- Advertisement -

Segun Glenda Hernandez, Directora di DAS

ORANJESTAD  (AAN):  Directora di Departamento di Asuntonan Social Glenda Hernandez ta e Crisis Manager di e Crisis Plan Social cu lo wordo implementa door di Minister Glenbert Croes conhuntamente cu sosten di UNICEF.

Glenda Hernandez, a duna di conoce cu e ta masha contento di por a comparti e dianan aki cu e representantenan di UNICEF, kendenan a bin Aruba y a reuni cu diferente stakeholder den cuadro di e implementacion di e Crisis Plan Social.

El a expresa cu Gobierno mes a pidi e advies di UNICEF Hulanda. A cuminza cu e proceso despues di e morto di dos criaturanan na November 2017 y a desaroya un plan. Aworaki ta trahando riba un plan pa ehecut’e.

Tin cierto cosnan ta trahando manera e sub comision di centrale registratie cu ta registra tur caso di famianan cu riesgo. El a agrega cu tin diferente aspecto y actividadnan ta canando, pero tog tabata kier un conseho di un instancia externo pa wak si Aruba ta canando den bon caminda, el a bisa.

“Mi a haya hopi util e advice cu UNICEF a duna pasobra nan a papia cu tur e gremionan cu tin di haber cu violencia di mucha y hoben. Nan a bin cu cierto sugerencianan cu ta den cuadro di e social crisis plan. E no ta contra e social crisis plan, e ta juist yuda y den cierto camindanan e ta te hasta duna mi un sorto di support cu nos tin mester pa pone in place si bo kier pa e cosnan aki wordo evita den futuro”, e directora di DAS a manifesta.

Esaki no ta algo cu ta wordo haci di un dia pa otro. E ta hopi cos a bay robez den e ultimo añanan. Mester compronde con compleho e proceso aki ta, a agrega.

Glenda Hernandez a laga sa cu e ta hopi agradecido cu e advies cu el a haya di UNICEF y cu Hulanda tambe ta support financieramente pa yuda Aruba cu e technische advies. Ta pesey cu ta haci bon probecho di esey.

Trahando cu UNICEF por logra cu ta yega un tiki mas leu, Hernandez a finaliza bisando.

 

- Advertisement -

DUNA COMENTARIO

Please enter your comment!
Please enter your name here