Home General APA a keda hopi satisfecho cu e prome CAO firma cu TOPA

APA a keda hopi satisfecho cu e prome CAO firma cu TOPA

23
0
SHARE
- Advertisement -

ORANJESTAD  (AAN): Diahuebs atardi a tuma lugar e prome firmamento di CAO entre APA y sindicato TOPA.

Durante un conferencia di prensa, Director di APP Jossy Figaroa a indica cu den APA e trahadornan ta wordo representa pa 2 sindicato, esta STA y TOPA.

TOPA ta representa e trahadornan di e departamento nautico di APA.

Figaroa a splica cu e negociacion no tabata facil, pasobra e dos sindicatonan tabata wak otro pa wak ken ta haya menos of mas cu otro.

“Nos a reuni cu tur dos sindicato y mi ta contento di bisa cu awe nos a logra un CAO cu tur dos”.

“E ambiente den cual e negociacionnan a bay tabata importante pa nos”.

Esaki segun e director di APA, kende a sigui bisa cu e parti hopi importante di e negociacion tabata e respet cu ambos banda tabata tin pa otro.

“No tur biaha tabata facil y no tur biaha nos tabata di acuerdo cu otro, pero e respet tabata hopi importante y pesey mi kier a gradici TOPA y e shop stewards pa con e negociacionnan a bay”, segun Figaroa.

Ora cu e dos partidonan a pega cu otro, a pidi ayudo di Mediador di Gobierno, despues di cual tur cos a keda cla.

“Importante pa nos tabata pa no tin discriminacion entre e empleadonan”.

“Nos no tabata kier pa un empleado cu ta cay bao di STA por ehempel sinti cu e ta haya menos beneficio of salario cu un empleado cu ta cay bao di TOPA”, segun e director, kende a bisa tambe cu e CAO –nan no tin e mesun ingredientenan, pero e gastonan ta igual.

Mirando con e negociacionnan a bay cu STA y TOPA, Figaroa su aprecio pa ambos a crece.

El a splica cu nan ta bringa duro pa nan empleadonan, teniendo na cuenta si e interesnan di e compania.

“Un di e diferencianan grandi di pensamento cu tabata tin entre APA y TOPA ta cu e sindicato ta pensa cu tin algun funcion den e departamento nautico, cu merece mihor pago”.

“Pesey nos a palabra cu TOPA cu nos ta bay atende cu esey separa for di e CAO, pero pronto lo inicia un proceso pa clasifica e funcion, pa wak si e funcion merece mas pago”.

“Hunto nos ta bay scoge un oficina cu ta bay hasi e trabao pa nos y si berdad resulta cu e funcion merece un salario mas halto, esaki lo wordo ahusta cu forza retroactivo te cu 1 di Augustus 2019”, esaki segun Figaroa, kende a gradici tambe su man drechi Humphrey Tromp, pa su parti den e negociacionnan.

 

 

- Advertisement -

DUNA COMENTARIO

Please enter your comment!
Please enter your name here