Home General APA ta mustra cu nan ta cumpliendo cu exigencianan internacional di siguridad...

APA ta mustra cu nan ta cumpliendo cu exigencianan internacional di siguridad di waf

18
0
SHARE
- Advertisement -

ORANJESTAD (AAN):  Aruba Ports Authority (APA) ta consciente di e importancia di waf di Aruba pa e economía local. Anualmente ta ricibi miles di turista y container di mercancia y productonan via waf.

Den cuadro di esey ta masha importante pa Aruba cumpli cu reglanan internacional di siguridad, tambe pa esnan cu di un of otro forma tin un relacion profesional cu e unico puerto maritimo di Aruba. Den cuadro di esaki recientemente a organisa un training di “security awareness” pa tur tour operator, tenants  y personal di APA.

Ta trata aki di un programa via cual ta duna informacion na e grupo di e exigencianan local y internacional cu waf di Aruba mester cumpli cu nan. No ta prome biaha cu APA ta organisa tipo di programanan aki cu ta forma parti di e compania su “Summer Security Awarenss Program”.

Pa Aruba por ricibi barconan crucero y barconan di carga, mester cumpli cu reglanan estricto di siguridad, cualnan ta wordo reforsa den forma continuo despues di atakenan terorista rond mundo. E tipo di trainingnan aki ta un di e rekisitonan cu APA mester cumpli cun’e pa demostra cu ta ehecutando un plan di siguridad cu ta conforme e “International Ship and Port Facility Security Code” (ISPS-code).

“E parti di security awareness training y rills ta un aspecto cu e inspectornan di US Coast Guard cu ta inspecciona nos wafnan anualmente ta pone hopi enfasis riba dje y cu port security management ta cumpli cabalmente cu esakinan, Jossy Figaroa , di APA a señala. El a agrega cu e compania ta percura pa den forma regular mantene su staff y personal na altura di regulacionnan internacional di siguridad (ISPS), pa señala y identifica tur persona of situacionnan sospechoso.

APA ta contento y satisfecho di haya cooperacion completo di esnan cu traha cu APA pa sigura cu e waf di Aruba ta keda riba e lista di wafnan sigur di mundo.

E programanan di siguridad ta siña pa identifica posibel menasanan pa facilidad, operacion y persona di waf, pero tambe ta recomenda metodonan di reaccion y prevencion. E ta encera e proceso for di e controlnan di prevencion, sistema di deteccion y e procedura cu mester sigui despues cu algo sospechoso wordo identifica. No solamente e ta parti teoretico pero tambe den forma regular ta tene e trainingnan aki den forma di practica tambe.

E biaha aki e training tabata abordo di Freewinds haciendo uzo di e experticio di nan trainernan certifica pa asisti APA cu su cursonan. APA kier a gradici Freewinds cu e cooperacion aki di basta aña pa percura pa Aruba tin un waf cu un sistema di siguridad cu ta cumpli cu reglanan internacional.

Na mesun momento gerencia di APA kier anuncia cu e siguiente entrenamento di siguridad a tuma luga dia 31 di augustus bou di e nomber “crowd management training” cu ta dirigi specificamente pa personal di siguridad di APA.

- Advertisement -

DUNA COMENTARIO

Please enter your comment!
Please enter your name here