Home General Arie Lichtenstein cu cosecha di Patia Organico

Arie Lichtenstein cu cosecha di Patia Organico

40
0
SHARE
- Advertisement -

ORANJESTAD (AAN): For di tres luna pasa sr. Arie Lichtenstein tabata ocupa su mes plantanto Patia Organico. Awe e por mira e fruto di un trabao duro asina mes cu scarcedad di awa.

Hendenan conoce sr. Lichtenstein su trayectoria for di momento cu el a establece su “shadehouse”nan situa na Shete, Santa Cruz pariba caminda e tabata planta for di inicio tanto Comcomber di salada y tambe Tomati. Esakinan e tabata bende cu mayoría hotel y restaurantnan rond Aruba.

Santa Rosa ta na altura tambe cu después di e secura pa varios aña sr. Arie Lichtenstein a confronta hopi problema pa motibo di scarcedad di awa. Awa pa varios aña no tabata yobe suficiente. Esaki a haci tambe cu esnan di Santa Rosa a haci entrega di awa na entre otro sr. Lichtenstein tambe a bira minimo y tin biaha nan no por a cumpli cune debi cu Damnan a cuminsa seca cu ta solamente tera so bo tabata mira den e fondo di e Damnan rond Aruba. E secura aki a crea e problema cu dado momento cu e mester a stop completamente cu su plantacionan.

Esnan di Santa Rosa a bay haci sr. Arie Lichtenstein un bishita caminda cu e poco awa cu nan tabata haci entrega pa cu su plantacion el a logra cuminsa planta Patia. Despues di tres luna por mira cu tin Patia cu a worde planta riba nos dushi suelo y organico.  Nan a tuma nota cu el a haci uzo di cuater di su “Greenhousenan” pa por a planta un cantidad basta grandi di patia.

Santa Rosa ta haci un invitacion nah enter pueblo di Aruba pa bishita sr. Lichtenstein na e “Famers under the Stars” cu lo tuma lugar Diabierna awo 31 di augustus na “Cosecha” situa na Forth Zoutman, na Zoutmanstraat 1 caminda cu e lo tey presente pa asina Aruba completo por haya Patia fresco y organic pa cumpra. Esaki ta cuminsa for di 6’or di atardi te cu 10’or di anochi. Diadomingo dia 2 di September tambe sr. Arie Lichtenstein lo ta presente na Ostrich Farm durante nan Famer’s Market cu su patianan pa ofrece henter pueblo di Aruba.

Dialuna di 3 di September sr. Lichtenstein lo ta na Santa Rosa caminda tambe henter pueblo di Aruba por bin cumpra Patia organic.

Aruba nos por, nos hendenan por falta abo so pa sostene nos agricultornan cuprando localmente den e caso aki e fruta dushi aki cu yama Patia planta riba nos dushi suelo. Nos ta wardabo!

- Advertisement -

DUNA COMENTARIO

Please enter your comment!
Please enter your name here