Home Cultura Artistar su Festival Infantil di Ranchera, e aña aki ta bay ta...

Artistar su Festival Infantil di Ranchera, e aña aki ta bay ta mas grandi

30
0
SHARE
- Advertisement -

ORANJESTAD (AAN): Artistar un biaha mas ta bay organiza un festival di ranchera pa mucha, cu ta bay tuma lugar Diasabra dia 4 di Augustus na Cas di Cultura.

Artistar ta un fundacion di artistanan cu amor pa arte.

Segun un representante, e fundacion a keda funda na Juni 2017, unda cu e meta ta pa e chikito y hobennan haya les di musica gratis, via e fundacion.

Artistar ta trata pa pone escenario pa e artistanan local hoben haya e oportunidad pa crece, demostrando nan talento.

Esaki ta wordo logra door di organiza festivalnan, workshops y otro actividadnan cultural, pa asina promove nan pa un conocemento sano.

Artistar su intencion ta pa promove nos talentonan hoben den canto, baile, teatro, musica, arte visual, literatura y  arte visual y deporte.

“E festival di ranchera di dia 4 di Augustus ta bay ta un exito rotundo, demostrando Aruba cu nos tin amor pa arte, dunando un empuhe na nos artistanan hoben”, segun e representante di Artistar, kende a invita Aruba completo pa tey Diasabra awor den Cas di Cultura, di 6’or pa 9’or, caminda cu tur hende por disfruta di e talentonan chikito y hoben cu tin na Aruba.

E biaha aki e festival ta bay ta mas grandi y cu mas sorpresa.

Artistar a gradici UNOCA tambe pa nan sosten grandi.

Asina e fundacion despues lo por continua cu nan proyectonan grandi cu tin na caminda.

Entre otro ta bay tin un festival di Pop na October pa nos hobennan cu kier canta otro generonan di musica.

Ta importante pa mucha studia, pero musica tambe ta hopi importante pa un crecemento sano.

- Advertisement -

DUNA COMENTARIO

Please enter your comment!
Please enter your name here