Home Comercio Aruba Bank a inaugura programa di 30 aña di Hubileo OPPA

Aruba Bank a inaugura programa di 30 aña di Hubileo OPPA

20
0
SHARE
- Advertisement -

Cu presentacion di servicionan “Fast & Easy”

ORANJESTAD  (AAN): Pa celebra e hecho cu dia 26 di augustus venidero OPPA ta celebra su 30 aña di existencia, OPPA a traha un programa cu actividad diversifica pa su miembronan.

Aruba Bank tabatin e honor pa inaugura e prome dia di e dos (2) siman di actividad pa e miembronan di OPPA cu un breakfast-presentacion di tur su servicionan Self-Service “Facil y Lihe/Fast & Easy”, cu ta desiguala aki na Aruba, y cu ta consisti tambe di su tan gusta Aruba Bank Online Banking y Aruba Bank Mobile App.

E presentacion a wordo haci pa e ekipo di IT, Security y Marketing di Aruba Bank na e miembronan presente di OPPA na Biblioteca Nacional na Playa.

Den cuadro di e meta di OPPA, pa amplia e conocemento y educa su miembronan riba tereno di tecnologia digital, Aruba Bank, a percura pa un programa “taylor-made” pa esunnan interesa por sinti nan mes comodo y sigur cu e opcionnan “facil y lihe/fast & easy” di Aruba Bank.

Ta un placer, como e banco pionero di Aruba pa a sostene Directiva di OPPA y Comision di Actividad (CdA) di OPPA den nan meta y celebracion di nan di 30 hubileo. Masha pabien!

 

 

- Advertisement -

DUNA COMENTARIO

Please enter your comment!
Please enter your name here