Home General Aruba Hotel & Security Foundation awor tin directiva nobo

Aruba Hotel & Security Foundation awor tin directiva nobo

25
0
SHARE
- Advertisement -

ORANJESTAD (AAN): E siman aki, e organizacion di Aruba Hospitality and Security Foundation a introduci un Hunta di Directiva nobo.

DIARIO a nota cu e hunta nobo di AHSF ta consisti di 7 persona cu tin como meta pa mantene siguridad pa e sector turistico.

E miembronan di directiva ta consisti di Tisa LaSorte (CEO di AHATA) como Presidente, Raymond Habibe (Director di Finanza di Aruba Marriott Complex) como Tesorero y Michelle de Groot (Director di ATIA) como Secretario, mientras e Directornan ta Andrew Hoo (Altocomisario di Cuerpo Policial Aruba), Patrick Melchiors (representando ATA), Paul Seute (Director di siguridad di Tropicana Resort & Casino) y Andy Osbourne (representando ATSA).

E directiva nobo di Aruba Hospitality and Security Foundation (AHSF) a reuni y a revisa e proyectonan pendiente pa 2018 pa ehecuta nan debidamente prome cu fin di aña, incluyendo ekipo y training adicional pa Polisnan y training pa team di Siguridad na hotelnan. Mientrastanto lo cuminsa crea plannan pa aña 2019 basa riba vision strategico y pa sigui mehora e capacidad di polis y di team di siguridad hotelero. Finanzas pa e proyectonan ta den budget di Aruba Tourism Authority (ATA), di fondonan ricibi di e impuesto cu turistanan ta paga durante nan estadia na hotelnan.

Un esfuerso importante di e fundacion ta coordinacion y comunicacion diario entre polis y team di siguridad na hotelnan. Recientemente e CEO di AHATA y presidente nobo di AHSF, Tisa LaSorte, a tene un encuentro cu Hefe di Polis pa e districto di Noord, esta Altoinspector Eric Soemers y Inspector Jonathan Henriquez, pa introduci su mes y continua e coordinacion productivo entre e fundacion y cuerpo policial.

 

- Advertisement -

DUNA COMENTARIO

Please enter your comment!
Please enter your name here