Home Social Aruba Marriott tabata anfitrion di e prome ‘LGBT Culture Day’ den Caribe

Aruba Marriott tabata anfitrion di e prome ‘LGBT Culture Day’ den Caribe

115
0
SHARE
- Advertisement -

ORANJESTAD  (AAN): Siman pasa diaranzon, 25 di juli 2018, Aruba Marriott a organisa e prome ‘LGBT Culture Day’ den Caribe unda Marriott International su ‘Director of Multicultural Affairs’, Seema Jain, hunto cu local co-presenter Hendrik ‘Endy’ Croes, a duna un presentacion special riba con pa comunica efectivamente entre culturanan, cu un enfoque riba e cultura di LGBT (lesbian, gay, bisexual y transgenero).

E evento di ‘LGBT Culture Day’ a tuma lugar na Aruba Marriott su Grand Ballroom y tabata dividi entre dos sesion; un sesion parti mainta pa e grupo di asociado, supervisor y manager di Aruba Marriott, y e sesion di merdia tabata pa Aruba Marriott su clientenan local. E localidad a wordo decora door di The Perfect Team y e bunita centerpieces tabata di Elsa’s Flower Shop.

Aruba Marriott ta sumamente contento di por a organisa e evento aki pa asina promove igualdad, diversidad y inclusion dentro di e comunidad local, como tambe amplifica Marriott su sosten na e comunidad di LGBT y alaves transmiti su compromiso na duna tur bishitante y asociado e comfortabilidad pa ta nan mes, unda cu nan ta biaha of unda cu nan ta traha.

Marriott ta un compania di hospitalidad global cu ta comprometi na pone hende na prome lugar y crea un ambiente amabel di inclusion y di trato husto na tur su huespednan y asociadonan. Esaki ta inclui e comunidad di LGBT, nan famianan y nan aliado nan.

 

 

- Advertisement -

DUNA COMENTARIO

Please enter your comment!
Please enter your name here