Home Comentario Aruba no por mas cu tur cos carisimo

Aruba no por mas cu tur cos carisimo

41
0
SHARE
- Advertisement -

Opinion Publico

ORANJESTAD (AAN): Un lector a mustra, cu e no sa mas te ki tempo pueblo por sigui soporta e peso o carga aki? No mas ta basta! Con un pensionado como ehempel por sigui carga e peso enorme aki?

Con un pensionado por paga e cuentanan di  awa, corriente y telefoon sumando na  450 Florin (e tin poco mata den cura, un airco necesario y un famia pega den exterior cu de vez en cuando e por papia na telefoon cu ne) for di e 954 Florin cu el a ricibi? Ta resta algo pa come despues di paga utilidades y areglo di pago erfpacht grondelasting y inkomstenbelasting?

El a tende con nan ta sugeri na pueblo pa trata na baha gastonan di cas, esaki ta di mes pasobra bo ta bay come menos ya cu comestibles ta carisimo awor nan no ta subi cu diez ni 50 cent pero cu Florin pariba. Traha bo budget y purba mantene na dje. Cap bo matanan laga bo cura bashi y mahos. Tur esakinan por pero tambe ta costa placa pues paga pa chapi e cura, paga pa cap bo matanan di flor, y tur otro matanan bunita, paga hende hiba nan dump pabo. Reken bo som awor!  E ciudadano a bisa cu e no ta “sinti e cambio”.

Tin algun hende cu ta blo usa e frase di JFK: No puntra kico bo pais por haci pabo pero kico abo por haci pa bo pais.  JFK tabata kiermeen e politiconan tambe.  Aki na Aruba ta diferente manera semper. No puntra kico nos por haci pabo pero kico abo por haci pa nos. Tambe na Aruba tin democracia cada cuater aña, ora cos bay bon.

Democracia ora di bay vota despues di e momento ey democracia a caba pasobra BO NO tin nada mas di bisa  te aki cuater aña atrobe. Pues e pueblo ta contribui pa Ministronan y Parlamentarionan distribi. Conclusion. Vota pa Ken? Pa esun cu bo ta kere cu ta gaña menos.

 

- Advertisement -

DUNA COMENTARIO

Please enter your comment!
Please enter your name here