Home General Aruba preparando su team di Taekwondo Para-limpico

Aruba preparando su team di Taekwondo Para-limpico

11
0
SHARE
- Advertisement -

Pa prome bez deporte di Taekwondo lo ta den weganan Para-limpico 2019

ORANJESTAD (AAN): Actualmente tin un organizacion deportivo cu ta trahando sin fin di lucro pa asina duna sosten na personanan cu algun discapacidad fisico of intelectual.

Luciano Mazzeo, den entrevista cu DIARIO a duna di conoce cu e ta bezig na e momentonan aki desaroyando e prome ekipo di para-limpico di Taekwondo di Aruba. El a inicia e proyecto aki na 2016 ora el a introduci Para-Taekwondo como demostracion na un campeonato cu a tuna lugar den luna di Mei.

Mazzeo a manifesta cu na 2017, a presente Para-Taekwondo como competencia durante e mesun campeonato internacional cu a tuma lugar na Aruba.

El a resalta cu na 2016 tabata di bishita na Aruba e mucha muher cu ta tres biaha campeon mundial di Para-Taekwondo Yomary Rojas. A probecha pa haci un demostracion y na 2017 a tuma lugar e competencia.

Desde e momento ey ta incluyendo den e mesun competencia internacional di Stichting Taekwondo Academy, ademas di e competencianan di Taekwondo regular, tambe e Para-taekwondo, Mazzeo a duna di conoce.

Segun Mazzeo, na Aruba no tin scolnan cu ta practica e deporte aki. Pa e motibo aki tin e tarea di busca e personanan acercando e institucionnan. Ta papiando aki di personanan cu discapacidad fisico of intelectual.

E para-taekwondo, mescos cu esun regular, tin dos area. Esun di forma (catas) y combate. pa loke ta forma sin cinco categoria y esaki ta inclui un categoria pa personanan ciego, sordo, estatura cortico, rolstul, deficiencia cognitivo (syndrome di down) y tin otro categoria cu tin di haber cu e parti neurologico (personanan cu a haya ataca cerebral), a bisa.

Mazzeo a laga sa cu e rango di participacion ta amplio den e parti di forma y den e parti di combate ta inclui solamente e parti ariba y ta prohibi golpia e cabez. Solamente por dal na e curpa parti ariba. Cada categoria ta bay segun e discapacidad di e persona.

E prome atleta Para-olimpico di Aruba di Taekwondo tin mitad braza y e ta cay den e categoria K44. K43 ta personanan cu tin amputacionnan den ambos miembro (man) of tambe por ta un man mas cortico compara cu e otro.

E categorianan aki ta importante pasobra ta esunnan inclui den e weganan panamericano 2019 como den e weganan para-olimpico, Luciano Mazzeo a indica.

E prome biaha cu Taekwondo a wordo inclui den weganan olimpico tabata na Sydney-Australia na aña 2000 y awor casi 20 aña despues e deporte di Taekwondo ta wordo inclui den e weganan para-limpico di Tokyo 2020, Mazzeo a remarca.

 

 

 

 

 

- Advertisement -

DUNA COMENTARIO

Please enter your comment!
Please enter your name here