Home Salud Aruba ta pionero den tratamento pa coregi kaak y pa stop di...

Aruba ta pionero den tratamento pa coregi kaak y pa stop di roncamento sin cirugia

150
0
SHARE
- Advertisement -

ORANJESTAD (AAN):  Na luna di september A. Kawaiah Orthodontics lo tene 2 anochi informativo pa papia tocante un novedoso tratamento orthopedico pa drecha deformidadnan facial y pa mehora halamento di rosea. E tema di e presentacion ta “Orthopedic Correction of Face Deformity & Airway” y lo ser presenta pa Dr. Abdal Kawaiah DMD.

E lectura lo tuma lugar na Cumana # 21 dianan 26 y 27, pa 7 or di anochi. E entrada ta completamente gratis pero e seating ta limita, pesey ta sugeri pa yega na ora. E proposito di e presentacion ta pa concientisa comunidad en general tocante e alternativanan cu ta existi pa coregi e problemanan di kaak (cachete) y di halamento di rosea, sin uso di cirugia. E tratamento ta dura entre 3 y 4 luna so, y edad minimo ta for di 13 aña bay dilanti, tanten cu e persona no sufri di osteoporosis. Actualmente e pacient cu mas edad cu a haci e tratamento aki tin 70 aña di edad y su caso lo ser presenta.

Riba e anochi aki nan lo tin un orador invita cu lo papia di su observacionan como especialista di pulmon, Dr. Selene Kock, cu lo presenta un caso local cu a ser documenta, unda cu e resultado di e ‘polygraphy report’ di e pacient ta mustra cu roncamento a stop na un 100%, mientras cu e index di e OSAS AHI a baha mas cu 50%, tur esaki den un tempo record di 2 luna so.

Aruba lo sera conoci cu un tecnica cu a ser desaroya na decada pasa na Universidad di California (UCLA) pa Dr. Won Moon y su ekipo, unda cu Dr. Kawaiah tambe a forma parti di e developer team aki. E novedoso tecnica aki ta Microimplant-assisted rapid palatal expansion (MARPE) y ta ser usa cu pacientenan cu ta sufri di un deficiencia maxilar. E ta coregi problemanan cu si no ta worde trata na tempo por bira mas grave, te cu e situacion ta bira mas compleho unda cu e ta afecta e crecemento facial y por genera problemanan respiratorio.

Actualmente, Dr. Kawaiah ta e unico Dentofacial – Orthodontist na Aruba cu por haci e tratamento aki y tambe e unico na mundo cu a sigui profundiza den e area di investigacion y asina logra desarroya e aparato aki na un manera cu e ta trata diferente problemanan respiratorio. Tin 4 caminda so na mundo unda cu e tratamento aki ta disponibel actualmente, y Aruba ta den nan.

Durante e anochi aki lo ser presenta diferente casonan di pacientenan local cu a ser diagnostica e operacion maxilofacial como nan unico solucion, y toch nan a opta pa e alternativa menos invasivo y menos doloroso (MARPE) pa coregi nan kaak. Tambe lo tin posibilidad pa haci pregunta y pa papia cu algun di e pacientenan cu actualmente ta den tratamento.

 

- Advertisement -

DUNA COMENTARIO

Please enter your comment!
Please enter your name here