Home General Audrey Croes cu yamada na comunidad pa hisa nos norma y balornan

Audrey Croes cu yamada na comunidad pa hisa nos norma y balornan

262
0
SHARE
- Advertisement -

Durante despedida di Ski:

ORANJESTAD (AAN) – Audrey Croes, ken Presidente di Fundacion Adopt an Addict, tambe a hiba palabra durante e acto di entiero di Ski.

E dama a expresa cu Ski ta yiu di un tata y un mama, tambe tata di otro hendenan y e tabata un icono pasobra e tabata un persona trankil.

Locual el a subraya ta pa nos como comunidad, ban subi nos norma y balornan, duna nos yiunan e atencion cu nan mester, y no laga esaki bay perdi pa e tipo di situacionnan, manera a pasa di Ski, no sigui sosode na Aruba.

“Esaki ta otro ehemplo, di locual nos ta hayando un tras di otro, cu ta un mensahe cu nos mester cambia e manera con nos ta trata nos yiunan for di chikito, pasobra ora cu nan wordo neglisha e problema cu nan ta subi caya y busca un grupo na unda nan por pertenece, ta loke nos ta sufriendo di dje awendia”, sra. Audrey Croes a expresa.

El a pidi tur mama y tata pa pone man na curazon, pasobra cu amor y disciplina den famia, no ta yega na e sorto di casonan aki cu nos tin cu lamenta.

E dama a expresa cu Ski tin su caminda aya ariba, pasobra tur esnan cu ta den e situacion di adiccion a yega na esey pa motibo di algo, un trauma of algo cu a pasa, pasobra ni un hende ta bay caya sin mas.

Tentancion por tey pero e persona por coi su curpa y reverse esaki. El a reitera su deseo pa amor reina den nos isla y pa hisa nos norma y balornan pasobra esey ta yuda nos isla, y no solamente e cosnan material, pero e cosnan cu ta haci nos mas hende.

El a expresa su deseonan pa Ski sosega na paz den braza di Señor e topa aya cu su pareha y su famianan cerca Papa Dios.

 

 

 

- Advertisement -

DUNA COMENTARIO

Please enter your comment!
Please enter your name here