Home Comentario Aumento den costo di bida na Aruba ta preocupante

Aumento den costo di bida na Aruba ta preocupante

32
0
SHARE
- Advertisement -

Opinion Publico

ORANJESTAD (AAN): Bida na Aruba ta birando dia pa dia mas caro.  Pueblo di Aruba ta sinti cu den e mitar di 2018 aki, nan ta sinti cu tin hopi aumento mas den costo di bida.

Pueblo como consumidor ta sigui sinti e aumentonan aki den nan cartera. Cada luna e ciudadano ta perde mas poder di compra. Pues, nos por cumpra menos comestibles cu nos salario, cual si no ta subi manera e costo di bida na Aruba.

Algun persona ta comenta, cu nan ta sinti cu hasta e costo di bida na Aruba ta accelerando compara cu añanan anterior.

Sin cu nan tin aceso na cifranan concreto, e observadornan ta mustra cu pa nan, ta parce cu den mei aña di tempo costo di bida na Aruba a subi mas hopi cu henter aña 2017.

Un factor importante cu ta hisa prijsnan general ta aumento den impuesto of heffingen door di gobierno. E aumentonan aki ta afecta costonan di produccion di empresanan y poder di compra di consumidornan. Sinembargo, empresarionan tin e posibilidad di hisa e prijs di nan productonan  pa compensa e aumentonan aki, aumentando asina e costo di bida. Pues, na final ta e consumidor ta esun cu ta termina ta pagando pa tur e aumentonan aki.

Ya nos a experencia caba con aumento di prijs di gasoline, y BBO a conduci na aumento den prijsnan general, y pues na aumento den costo di bida.

Pueblo ta lamenta cu prijsnan na Aruba ta subiendo drasticamente.

 

- Advertisement -

DUNA COMENTARIO

Please enter your comment!
Please enter your name here